يوم السبت 31 يوليو الحكم في قضية النشطاء – جمال عيد وأحمد سيف الإسلام وأحمد غربية

المحاكمة هتكون في محكمة الجلاء جنح الخليفة صباح السبت 31 يوليو – نرجو التضامن والحضور

وكانت محكمة جنح الخليفة قد قررت في جلستها السابقة يوم 17يوليو الجاري، تأجيل الجلسة للسبت القادم 31 يوليو لسماع الشهود والمرافعة وإصدار الحكم في هذه القضية وفى ذات اليوم، التي، ومن شدة غرابتها قام بالتحقيق فيها ثلاث نيابات مختلفة هي نيابة شمال القاهرة، نيابة الخليفة، نيابة استئناف القاهرة) وأبدت نيابة استئناف القاهرة – وهي النيابة الأخيرة التي باشرتها – رأيها بتحويل القضية للمحكمة بتهمة السب والقذف، واستبعدت بذلك التهم في مذكرة نيابة الخليفة

In Saturday 31st July the court going to announce its verdict in the Egyptian activists trial ‘ Gamal Eid, Ahmed Sef and Amr Gharbeya“

The trial will take a place in elgalaa’ court in the morning of Saturday 31st July, solidarity and attendance is appreciated.

In its previous session dated 17^th of July 2010 the court had postponed the case to the 31^st of July 2010 to hear the witnesses and the defense as well as make its decision on the same day.  It is to be noted that, contrary to the usual, this case has been processed by three different prosecutions: The north Cairo prosecution, the Khalifeh prosecution and the Cairo appeal prosecution.

من اسبوعين .. كنت راكب ميركوباص .. ولقيت السواق معلّق علي المرايه كيس فيه سائل .. مكنتش فاهم ايه اللي ممكن يتعلق ف المكان ده .. بس اللي جه في دماغي انه – عمل – .. ومرضيتش اسئله بقي علشان مكسفوش .. اصلي قلت اكيد عامل عمل علشان الحوادث او الرخصه او الرادار .. او امناء الشرطه او حتي عشان فتوات المواقف !

-محطيتش في بالي اوي .. بس بصراحه الموضوع لقيته منتشر .. ولأني من الوايت كاب يوزرس .. لقيت ان معظمهم حاطين نفس -العمل

قلت هوبا بأه .. الدعوة باين عليها أنتشرت .. لغاية ما قررت إني أسأل واحد منهم … وكنت لسه هقوله انت مؤمن بقي بالحاجات دي وبتاع ؟ ..أفحمني و قاللي دي فواحه يابيه !

كيس فيه كلونيا بيتخرم من فوق ويتحط ف العربية .. وبتقعد أكتر من التانيين  !

كنت عايز اقله .. بموت ف الفطانه بس كنت وصلت خلاص

الشبكة العربية لحقوق الإنسان ومركز هشام مبارك للقانون من أقوي المؤسسات الحقوقية في مصر واللي من غيرهم خريطة حقوق الإنسان هتتغير كتير ! كل أزمة أو إنتهاك أو حملات للقبض العشوائي متقدرش تنكر المجهود والتأثير الكبير اللي المؤسستين دول بيقوما بيه !

يوم السبت 22-5 – بكره – هتنظر محكمة جنح الخليفه الدعوة المقدمة من القاضي عبد الفتاح مراد واللي بيتهم فيها المؤسستين ومدونة عمر غربية بالإساءه ليه وسوء إستخدام إحدى وسائل الإتصال – تقريبا بيعملوا تهم جديده موديل الفين وعشرة بفتحة سقف وكده – .. قال “سوء إستخدام إحداى وسائل الإتصال” قال .. !

أحمد سيف وجمال عيد قرروا إنهم هيحضروا الجلسه – عمر- ولظروف سفره – هيكون موجود المحامي بتاعه وده كان أحسن دليل إنهم مش هيخافوا .. وان مهما كان هما اقوي من الفساد.

التضامن معاهم مطلوب – التضامن معاهم تضامن مع حرية الرأي والتعبير .. تضامن مع حقوق الإنسان .. تضامن مع المجتمع المدني كله في مصر !

!التضامن معاهم تضمن ضد الفساد

بعد ده و ده .. دلوقتي عندنا موضوع جديد خالص من اسكندرية!!

اللي يتمشي في اسكندرية ياخد باله من إنتشار إعلانات لعلاج السحر والمس ووجود نمرة تليفون ارضي ! .. وان كنت المره اللي فاتت سألت عن وجود القيادات التنفيذية في المدينه وازاي ساكتين علي كتابات بعض العبارات علي الكورنيش .. دلوقتي مفيش حجه .. الإعلانات إعلانات لا توصف الا بإعلانات النصب والشعوذه وكمان مكتوب بنمر التليفون الأرضي  يعني أحمر علي أبوه يابطيخ ..وعلي عينك ياتاجر .. واللي يتكسف من بنت عمه ميضيفهاش عالفاسبوك !

ما اهو اصلي لو انت راكب مترو ومتجه من المرج للمعادي .. مش هتبقي زكاوة انك في محطة غمرة تقول المحطه اللي جايه هي مبارك ..

كله منفد علي كله .. يعني هو ده التطور الطبيعي اللي يوصل بالمدينه لحاله عامة من التطرف الديني الغير مسئول !

لما في الصيف الكورنيش يتملي بجمل ترهيبية .. وفي الشتا إعلانات اللمس والسحر تنتشر .. والغير محجبه تبقي بالضرورة غير مسلمه .. يبقي المحطه اللي بعديها لازم تكون محطة مبارك ! .. عشان ولا فيه كوبري ولا نفق !

حاجه تقرف !

التصريح ده خرج إمبارح من وزارة الخارجية الامريكية .. مش عارف ليه محدش شايفه في اي حته ! عالعموم موجود معاه ترجمة ركيكه تمت بواسطه كاتب السطر ده !

Moving to the Middle East, we are deeply concerned about the arrests of Egyptians under the emergency law.  The Government of Egypt must uphold the rights of all people to express their political views peacefully and to ensure due process.  The United States believes that all individuals should be allowed to exercise freedoms enshrined in the Universal Declaration of Human Rights.  The people of Egypt should be able to participate in the political process and ultimately determine who will run and win Egypt’s upcoming elections.

وبالنظر إلي الشرق الأوسط , نحن قلقين للغاية بسبب ما حدث من إعتقالات تعرض لها المصرين تحت طائلة قوانين الطوارئ ، والحكومة المصرية يجب ان تؤيد حق الشعب المصري في التعبير عن أرائهم السياسية بشكل سلمي لضمان مراعاة الشرعية القانونية.

الولابات المتحده تؤمن بحتمية ان يكون مسموح للأفراد بإستخدام حرياتهم وحقوقهم المكرسه في الإعلان العالمي لحقوق الإنسان ، ويجب ان يستطيع الشعب المصري من المشاركه في العملية السياسية ليحدد في نهاية المطاف من سيفوز في الإنتخابات المصرية القادمة.

شهاب وجيه , حزب الجبهه  الديمقراطية , مصر

تم إعتقاله في السادس من أبريل عام 2010 من ميدان التحرير بالقاهره لمشاركته بمظاهره تطالب بالإصلاح والتغيير !

Shehab Wageh, Democratic Front Party, Egypt.

President of the youth Organization.

Been Arrested in the morning of April 6th 2010 in eltahrer Sq, Cairo because of participating in a protesting demonstration calling for constitution reform !

.. اكيد قيادات الداخلية امبارح كانوا سهرانين لغاية الصبح قدام الخريطه .. وكل واحد بيتفنن انه يطلع فكرة مفتكسه يضحك بيها علي الشباب !

يطلع واحد بكرش ويقلك .. ياباشا المشكله في ميدان التحرير ..هي المترو .. القياده ترد عليه ويقوله .. ان كان عالمترو .. اقفله امه ..

طب ياباشا .. بالنسبة للناس اللي ممكن ييجوا من ميدان طلعت حرب من نحية جروبي

القياده ترد عليه .. يبقوا يقابلوني لو خرجوا م العمارة !

التاني بقي الأقرع اللي منزل القصه ومداري بيها قرعته يقول – واكنه جاب التايهه –  .. طب واللي هييجي من شارع القصر العيني .. هنتصرف معاه ازاي؟ !

القياده ترد عليه – بإستزكاء  .. جيبلي اشطر ظابط في التشكيلات اللي كان الاول علي دفعته وخليه يعملنا تشكيل ميخرش الميا !

الواد ييجي .. “وللأسف تقريبا في الليلة اللي قبليها مراته قالتله تصبح علي خير يابركه واديته ضهرها !” المهم بدون الدخول في تفاصيل .. الواد راح عصر دماغه وقال ..ياباشا احنا  نجيب خمستاشر عشرين عربية امن مركزي .. ونخبيهم في الشوارع الجانبية زي حسين حجازي واللي موازي ليه .. ونجيب قد عشرين فرقة كراتيه – كلهم احمد زكي في فيلم البرئ – ونطلعلهم وقت الزنقه !

وابقي قابلني معاليك لو حد منهم عرف يعمل حاجه !

القياده ترد عليه وتقوله : يا ابن الناصحه

-

جتكوا ستين وكسه .. هو ده اللي اتعلمتوه ؟؟ قعدوا تدرسوا اربع سنين في كلية الشرطه علشان تعملوا تشكيلات تقبضوا بيها علي الناس بالمنظر ده ؟ حتي لو عايزين تفرقوا المظاهره في سبع تلاف طريقه تانية .. لو بس دماغكوا شغاله .. خدوا دي بقي

يعني كان ايه اللي هيحصل ياعالم يامعفنه لو كنتوا سبتوا المظاهره تحصل ؟ ها ؟ ولا لازم تبينوا انكوال بلطجيه وادها وادود ؟

جتكوا القرف .. جتكوا القرف

-

انا فعلا مش قادر اكتب حاجه عن اللي شفتها .. ساعات كتير مش  بعرف احكي حاجه حصلت .. نهايته .. روحوا اقروا هناك هتلاقوا تفاصيل اكتر واهم

http://egyprotest-defense.blogspot.com/

إمبارح كان أول أيام مهرجان الشوكلاته واللي مدته من يوم 1 ليوم اربعه ابريل في الإنتركتنينتال سيتي ستارز!

أول ما سمعت ان اهم واشهر فقرات المهرجان – اللي اتعمل في باريس وموسكو ولندن وبلاد غيرها – هي فقرة عرض الأزياء اللي فيها فساتين من تصميم هاني البحيري دماغي المحدوده في الموضه بدأت تتحيل دولي شاهين وهي لابسه فستان الشوكلاته – ودماغي المحدوده في الموضوه برضه تخيلت ان دعوتهم لفساتين الشوكلاته انتشرت وبقي هو ده لبس السواريه في مصر للبنات او للولاد !

يعني مثلا البنات تبدأ تلبس فستان كامل من الشوكلاته وبدل ما دراعاته تبقي – دانتيل – .. فتبقي بندق او لوز ! وتبقي اكبر الشركات اللي بتعمل الموضوه في مصر هي جالكسي وكادبري ! .. والمنتج المحلي يكون من إنتاج كورونا ! .. والشركات تتنافس بقي وكدهو !

وبالنسبة للبدل الرجالي .. اكيد حامد عبد الخالق هيتخرب بيته .. وهيضرب تفليسه .. ما خلاص  .. كله هيشتري من كادبري وجالكسي !

والهدوم ساعتها مش هتتعلق في الدولاب بقي .. هتتعلق في الثلاجه .. ولو واحد مستعجل مثلا عالشغل وهو نازل الصبح هيقول لمراته – ناوليني والنبي الكرافته من الفريزر عشان انزل !

وطبعا طبعا .. محدش هيكوي .. او بقي نبقي نكوي الهدوم بالتبريد !

انا مش ضد تنظيم اي فعاليات من النوع ده ..لكن المهرجان زي اي حدث مصري .. التنظيم فيه كان سئ .. وتقسيم البرتيشانس كان مش كويس .. واكيد طبعا اللي واقفين عالبرتيشنس بنات دمهم تقيل وحاطين روج احمر فاقع

بس البنات بتوع أكس كانوا حلوين .. اصلي اكس عامل نوع جديد بجاذبية الشوكلاته – علي فكرة جبته و”جربته” وفعلا كويس اوي – !

في مدخل القاعه كانوا عاملين نافورة شوكلاته – تقدر تشوف فيديو 7 ثواني هنا ليها -

ده غير التماثيل اللي كانت محطوطه ! لبرج ايفيل وحصان كامل بالحجم الطبيعي معمول بالشوكلاته .. بس كله كوم وبنك الطعام المصري المشارك كوم تاني !

يعني .. قدرت اتفهم وجود جمعيات الاورمان وقدرت اتفهم وجود اكتر من مؤسسة خيرية تانية بتقبل التبرعات .. بس اللي أعتبرته غريب.. وجود بنك الطعام المصري ببانر كبير مكتوب عليه قطعة شوكلاته من أجلهم !  يالهوي علي تقل الدم !

الماركتير بتاعهم اكيد كان محاسب في سجل مدني الساحل مثلا قبل ما يشتغل معاهم !

وقبل ما انسي .. شوفو الإيجبشان إستايل وصل لإيه !

يجعل يومكوا شوكلاته .. وبمناسبة الشوكلاته .. فيه شوكلاته اسمها فلاك من كادبوري بورقه صفرة .. حلوة وعلي ضمانتي : )

رامي رؤوف عمل ورقة كويسة بعنوان “أدوات وممارسات من أجل التواصل للمشتركين في التجمعات السلمية ” ..

بتتكلم عن الأستخدام الأمثل لأدوات الإتصال ” الموبيلات والنت وكده ” بخصوص تنظيم المظاهرات وغيره .. ياريت شباب سته ابريل ينشروا الكلام ده في الموقع بتاعهم ..

المهم .. مطولش عليكوا روحوا أقروها