اضيف في 26 يناير, 2010 11:44 م , من قبل تامر
من مصر

قسما بالله انت ماتعرف حاجة
وكلامك على الفاضى وانت اصلا ملكش لزمة علشان مافيش حد بيظلم حد وبالذات فالكلية دى وانت لو راجل استنى يومين بس وحتشوف اللى يحصلك
انا عملت برنت للصفحة وحوريك الكلية دى حتعمل فيك
انا حوصله ان شاء الله للكلية

ده التعليق اللي اتكتب علي تدوينة احمد مصطفي بعد مرور سنه علي كتابتها ! وواضح ان صاحب التعليق مكدبش خبر وبعد مرور حوالي شهر .. وبالظبط يوم الخميس 25 فبراير 2010 تم إحتجاز أحمد مصطفي – 19 سنه – وتقديمة لمحاكمة عسكرية ( عاجله ) ليلحق بقطار المحاكمات العسكرية للمدنيين كمجدي أحمد حسين وأحمد دومه وخيرت الشطار و – أصحابه – علشان تحصل محاكمة جديده لشاب سنه 19 سنه .. عارفين يعني ايه شاب عنده 19 سنه يتقدم لمحاكمة عسكرية ! لمجرد انه كتب حاجه عالإنترنت !

تدوينة أحمد مصطفي لم تفشي سرا حربيا او نقلت صورا – خاطئة – عن اي مؤسسة من مؤسسات الدولة ! تدوينة أحمد مصطفي  لا تصنف علي انها خيانه او عماله او فتح ملفات حمراء ! تقديم أحمد مصطفي للمحاكمة العسكرية خيانه ـ وسكوت المثقفين والسياسيين عن هذه الخيانه خيانه أشد جرما واحط وصفاَ

متضامن مع أحمد مصطفي

روابط ذات صله :

نص القانون المعد للمحاكمة .. وهو من خرائيات زمن عبد الناصر

جروب لا للتجنيد الإجباري

ايه هو خلاص – بح – كده ولا ايه .. الشباب يتبهدلوا يومين ويرجعوا في ميروباص وخلاص .. بح الحوار خلص مثلا ؟

أولا القبض عالشباب – مالوش تبرير عقلاني – اومال بقي لو في الإنتخابات ولا في اي تعديل دستوري هيعملوا ايه .. هيلمونا من البيوت لغاية ما يبنلنا صاحب ؟

ثانيا .. المره دي تم القبض علي 4 بنات .. عارفين يعني ايه اربع بنات ؟ .. اخر مره اتقبض علي بنات كان في ايام مظاهرات إستقلال القضاء وكانوا اسماء علي وندا القصاص ورشا عزب .. المره دي يقبوضا علي اربع لوكشه واحده ولاد المضايقه ؟

والمفروض بيقي ان الحوار كده خلص وبح .. شباب اتقبض عليهم واتبهدلوا يومين  وخرجوهم بعد كده

لاء بقي .. مبحش مبحش مبحش!!!

-

الصور لمظاهره التضامن مع معتقلين نجع حمادي إتك هنا للمزيد

حادث مأساوي راح ضحيته سبعه في يوم عيد الميلاد في نجع جمادي بقنا و شباب مصريين ملسمين ومسيحين رايحين يعزو أهالي الضحايا .. يتم إعتقالهم .. ليه وبأمارة ايه .. وبسبب إيه ؟

انا راضي ذمتك وذمة اي مواطن تعدي من السن الاربع سنوات .. اللي بيحصل ده ليه اي تفسير!

إحنا بنعيش في دوله قمعيه قمعية قمعيه قمعيه ..

بكره الصبح الساعه 11 فيه مؤتمر صحفي في نقابة الصحفيين بعديها فيه مجموعة محامين وناضطين هيروحوا يقدموا بلاغ للنائب العام

علي الله يعرف يعمل حاجه ..

إقروا تغطية مروة رخا في جلوبال فويسيز وتغطية رامي رؤوف في مدونته

- قرار النيابه لسه طالع من شوية .. بيقولك عرض باكر … والنبي يعني ايه القرارا ده ؟

، طب يعني هيباتوا فين .. والقرار عليهم كلهم ولا عالبنات بس ؟وكيل النيابه لقي الوقت اتاخر مثلا وعايز ينام اجلها للصبح ؟

رحمتك يارب !

Yes, when one of  bloggers been harassed all activists should care more than the other cases ! simply because when a judge make a crime shouldn’t be judged like normal citizens and when Blogger/human rights activist been harassed shouldn’t be reporting like others,” This is Just personal view”  ! Besides  harassing against blogger means harassing for all causes he worked on in the past and i don’t think Mr.Jouseph maytoun knows the causes that Wael abbas wored on !   because he’s a foreign !  -

Mr.Maytoun in his  last article in the guardian name the care that Wael abbas got from human rights and internet activists   when he and his mother been harassed by  ” Cronyism in human rights reporting ” and i can simply call it  “ The cohesion force of human rights activists ”

let’s face that Wael abbas well know blogger and he may had some problems with other internet activists, but, during Wael’s problem everyone ” especially who has personal problems with wael ” was caring about him, retweeting his mobile tweets , asking about him and his family and definitely were in soldiery with him !

Any kind of ” cronyism ” it is  ? .. I’m really wondering !

I think if Mr.Maytoun wants to write about the Egyptian society generally or the Egyptian civil society especially he really has to REREAD the Egyptian situation on the ground,and Thats alright! he shouldn’t be embarrassing it’s really acceptable from a ” foreigner” !

مره أخري .. لم يفكر مروجي الحملة الإعلامية لمؤتمر الحزب ” الوطني الديمقراطي ” عندما وضعوا لافتات ” من أجلك انت ” علي مقرات الأحزاب وعماويد نور الكباري – لعل كونها من أهم إنجازات إدارات الحزب المتعاقبة – .. في أن بعض الكوارث “العابرة” التي وقعت نتيجة فسادهم هي أول ما يظهر في خيال اي قارئ لشعارهم – من أجلك أنت – !

إختار الحزب الوطني ان يكون شعار مؤتمره هذا العام – من أجلك انت – ولم يحدد علي منْ – أنت – عائده !

وترك هذا التحديد لفطانة القارئ وذكاءه ..

الحزب إختار – أنت – ولم يختار – أنتم – لأن واضح الشعار يعلم جيدا من هو – أنت – اللي ولا انا ولا انتم لينا علاقه بيه !

فـ – أنت – ليست عائده عليّ او عليك أو علي قريب لي او  لك او حتي “معرفه “  من بعيد

- أنت – عائده علي الشحص الوحيد الذي يعمل الحزب كله ..بل الدوله كلها بجميع أجهزتها من أجله وليس من أجل اي أحد أخر

فليعملوا هم  من أجلِه – هو – ولكن بعيد عن دماغنا – نحن

ولأني بيتقال انه هو اللي كان وراء بداية حملات القبض علي المجاهرين بالإفطار ..فمش قادر اكدب احساسي بأن في تماحيك في إنفلوانزا الخنازير لمنع الشيشه في القهاوي وتغريم القهاوي  اللي تخالف قرار     ..

فواضح ان – سيادة محافظ أسوان – مصر علي التلاكيك الفارغة  لشيء في قلبه ..

في زيارة أوباما الأخيره للقاهره .. شوارع القاهره ببساطه ..اتقفلت … للمارة وللسيارات ..

وبيتقال علي  ده انه علشان خطه امنية .. ده اسمه ترييح دماغ مش خطه امنية .. الخطط الامنية علي اد معرفتي مش كده

يعني مثلا .. لو مطلوب تأمن غرفه ما .. ممكن تركب كاميرات وتحط ليزر وبتاع .. وممكن ببساطه تسد ابوابها وشبابيكها بالطوب الاحمر .. انهي فيهم اللي اسمه خطه امنيه ؟

طيب .. وبنفس الفكرة والاسلوب هنلاقي الموقف مختلفش كتير من وزارة الداخلية لوزارة الصحه .. اليوم السابع طالعه علينا وبتقول ان فيه كلام جوه وزارة الصحه انهم يقفلوا متروا الانفاق ..

هما الناس دي فاكره انها كده بتقوم بشغلها ولامؤخذه .. ؟

أعملوا بلقمتكم ياعالم يامعفنه