من كم يوم ..إستقبلت خبر إلإغلاق قناة الرحمة بتنطيط وتزييط غير مسبوق ! ولو ان الإغلاق جاء تنفيذ لحكم محكمة فرنسية علي دعوة قامت بيها جماعه يهودية .. لكن في الأخر خبر إسكات اي لسان للتطرف حاجه إيجابيه .. ويبقي السلبي في الموضوع  ان الحكم مش جاي من محكمة مصرية !

لكن إيه .. أوعي وشك .. السلفيين صيّع برضه .. وقالو زي محمود عبد العزيز ما قال ف فيلم الكيف .. احنا لحم مر ميتاكلش .. وان اتاكل ما يتبلعش وان اتبلع يجرح ف الزور ومش عارف ايه !

فاكرين زمان ف 2004 لما ايمن نور كان بيقدم علي حزب الغد ؟ .. كان كل مره ميتوافقش عليه كان يقدمه بإسم جديد .. يعني مثلا مره يقدمه بإسم حزب الغد .. ومره الغد قادم .. ومره الغد الجديد وهكذا  ! .. كان ناقص يحط – أندر سكور – او ارقام جنب الإسم يعني !

المهم حبايبنا الحلوين بتوع الرحمه .. عملوا نفس الموضوع ! .. قفلوا الرحمه – الأولانية – تنفيذا لقرار شركة النايل سات اللي هو رضوخا للحكم الفرنساوي ! وفتحوا قناة جديده خالص بتردد جديد خالص .. بنفس اللوجو والبرامج والشيوخ والإعلانات والأفكار وسموها – نسائم الرحمة -

اه والنعمه .. ايه البلد اللي بترمي إيفهات عالواحد طول ماهو قاعد دي ؟ .. دا إسمه ألش معاليك!

وطبعا الناس تضامنوا .. وظهرت المشاركه الإجتماعية بأنهم بعتوا رسايل عشوائية عالموبايل وإيميلات إسبام بالتردد الجديد !

حاجه تفقع يعني من الأخر

من كم شهر كده ..ايام ما كان عندي عربية .. وفيه ليله من لياليها المميزة .. عملتها معايا في شارع التحرير وعطلت.. وقعدت اصلح فيها لغاية ما قامت ووصلتني البيت – برضه كانت أصيله – بس شياكتي وأناقتي أنتهكت بقليل من الشخم والزيت والزفت والذي منه .. المهم  وانا طالع في الأسانسير .. طلعت مع جارنا الدكتور المحترم اللي علاقتي بيه متعدتش في يوم من الأيام غير اذيك الله يسلمك وكل سنه وانت طيب وانت بالصحه والسلامه !  لقيته بيقوللي هو والدك متوفي من كم سنه دلوقتي ؟ .. بصيتله بإستغراب وانا بحاول اخلي وشي حزين لانه فكرني بالوفاه وكده .. قولتله عشر سنين تقريبا .. قاللي الله يرحمه .. كان راجل طيب .. – وقعد يشكر فيه حوالي دقيقه –  ..وانا مش فاهم ايه اللي بيخليه يقول كده .. بعد كده راح سألني السؤال اللي فهمت بسببه اد ايه هو فعلا دكتور بس في التخلف .. قاللي وانت دلوقتي بتشتغل ايه يابني ؟ .. بصيت له .. وبعد كده بصيت لهدومي .. وفهمت هو كان يقصد ايه من ساعة ما بدأ كلام .. بصيتله بصه إستحقار من فوق لتحت .. وقلتله بشتغل ميكانيكي في الجراج اللي جمبينا .. بشتغل ميكانيكي يادكتور .. وخرجت وقفلت باب الأسانسير برزعه !

المهم تلف ايام وتيجي ايام .. وابقي عايز في يوم تصوير اني اشتري – اربع مقشات خوص خشب – علشان كنت عايز اصور بيهم حاجات .. ووانا طالع في الأسانسير حظي المهبب وقعني في نفس الجار الرخم .. ومتكسفش انه يكرر عليا السؤال .. انت بتشتغل في ايه دلوقتي ؟

وانا متكسفتش اني اشتغل اللي جابوه ..وقولتله بتاجر في المقشات ..-  وسرحت بأه – بشتري المقشات من قنا وباجي ابيعها هنا في القاهره .. وابن الهبله قاللي طب وعلي كده بتكسب ؟ .. قولتله اهو ماشية .. يعني علي الألف وخمسمية مقشة بعد النقل والعمولات بتدخل في صافي ربح حوالي خمسه وعشرين جنيه ..

المهم انه صدق .. وافتكر اني من اكبر تجار المقشات في القاهره !

صدق وافتكر نفسه انه زكي .. لانه فهم اني بتاجر في المقشات لما شافني شايل مقشات !

انا عايز اقله .. انت اهبل  ومفهمتش ولا هتفهم الا اللي انا عاوز اوصلهولك او افهمهولك  ! فلو سمحت متدخلش في حياة حد لانه مش من حقك !

ومش كل اللي شايفاه عينك حقيقك .. متفرطش في الثقه فيهم ياراجل يا قله

وجتك القرف انت واللي زيك !

بعد ده و ده .. دلوقتي عندنا موضوع جديد خالص من اسكندرية!!

اللي يتمشي في اسكندرية ياخد باله من إنتشار إعلانات لعلاج السحر والمس ووجود نمرة تليفون ارضي ! .. وان كنت المره اللي فاتت سألت عن وجود القيادات التنفيذية في المدينه وازاي ساكتين علي كتابات بعض العبارات علي الكورنيش .. دلوقتي مفيش حجه .. الإعلانات إعلانات لا توصف الا بإعلانات النصب والشعوذه وكمان مكتوب بنمر التليفون الأرضي  يعني أحمر علي أبوه يابطيخ ..وعلي عينك ياتاجر .. واللي يتكسف من بنت عمه ميضيفهاش عالفاسبوك !

ما اهو اصلي لو انت راكب مترو ومتجه من المرج للمعادي .. مش هتبقي زكاوة انك في محطة غمرة تقول المحطه اللي جايه هي مبارك ..

كله منفد علي كله .. يعني هو ده التطور الطبيعي اللي يوصل بالمدينه لحاله عامة من التطرف الديني الغير مسئول !

لما في الصيف الكورنيش يتملي بجمل ترهيبية .. وفي الشتا إعلانات اللمس والسحر تنتشر .. والغير محجبه تبقي بالضرورة غير مسلمه .. يبقي المحطه اللي بعديها لازم تكون محطة مبارك ! .. عشان ولا فيه كوبري ولا نفق !

حاجه تقرف !

التصريح ده خرج إمبارح من وزارة الخارجية الامريكية .. مش عارف ليه محدش شايفه في اي حته ! عالعموم موجود معاه ترجمة ركيكه تمت بواسطه كاتب السطر ده !

Moving to the Middle East, we are deeply concerned about the arrests of Egyptians under the emergency law.  The Government of Egypt must uphold the rights of all people to express their political views peacefully and to ensure due process.  The United States believes that all individuals should be allowed to exercise freedoms enshrined in the Universal Declaration of Human Rights.  The people of Egypt should be able to participate in the political process and ultimately determine who will run and win Egypt’s upcoming elections.

وبالنظر إلي الشرق الأوسط , نحن قلقين للغاية بسبب ما حدث من إعتقالات تعرض لها المصرين تحت طائلة قوانين الطوارئ ، والحكومة المصرية يجب ان تؤيد حق الشعب المصري في التعبير عن أرائهم السياسية بشكل سلمي لضمان مراعاة الشرعية القانونية.

الولابات المتحده تؤمن بحتمية ان يكون مسموح للأفراد بإستخدام حرياتهم وحقوقهم المكرسه في الإعلان العالمي لحقوق الإنسان ، ويجب ان يستطيع الشعب المصري من المشاركه في العملية السياسية ليحدد في نهاية المطاف من سيفوز في الإنتخابات المصرية القادمة.

شهاب وجيه , حزب الجبهه  الديمقراطية , مصر

تم إعتقاله في السادس من أبريل عام 2010 من ميدان التحرير بالقاهره لمشاركته بمظاهره تطالب بالإصلاح والتغيير !

Shehab Wageh, Democratic Front Party, Egypt.

President of the youth Organization.

Been Arrested in the morning of April 6th 2010 in eltahrer Sq, Cairo because of participating in a protesting demonstration calling for constitution reform !

.. اكيد قيادات الداخلية امبارح كانوا سهرانين لغاية الصبح قدام الخريطه .. وكل واحد بيتفنن انه يطلع فكرة مفتكسه يضحك بيها علي الشباب !

يطلع واحد بكرش ويقلك .. ياباشا المشكله في ميدان التحرير ..هي المترو .. القياده ترد عليه ويقوله .. ان كان عالمترو .. اقفله امه ..

طب ياباشا .. بالنسبة للناس اللي ممكن ييجوا من ميدان طلعت حرب من نحية جروبي

القياده ترد عليه .. يبقوا يقابلوني لو خرجوا م العمارة !

التاني بقي الأقرع اللي منزل القصه ومداري بيها قرعته يقول – واكنه جاب التايهه –  .. طب واللي هييجي من شارع القصر العيني .. هنتصرف معاه ازاي؟ !

القياده ترد عليه – بإستزكاء  .. جيبلي اشطر ظابط في التشكيلات اللي كان الاول علي دفعته وخليه يعملنا تشكيل ميخرش الميا !

الواد ييجي .. “وللأسف تقريبا في الليلة اللي قبليها مراته قالتله تصبح علي خير يابركه واديته ضهرها !” المهم بدون الدخول في تفاصيل .. الواد راح عصر دماغه وقال ..ياباشا احنا  نجيب خمستاشر عشرين عربية امن مركزي .. ونخبيهم في الشوارع الجانبية زي حسين حجازي واللي موازي ليه .. ونجيب قد عشرين فرقة كراتيه – كلهم احمد زكي في فيلم البرئ – ونطلعلهم وقت الزنقه !

وابقي قابلني معاليك لو حد منهم عرف يعمل حاجه !

القياده ترد عليه وتقوله : يا ابن الناصحه

-

جتكوا ستين وكسه .. هو ده اللي اتعلمتوه ؟؟ قعدوا تدرسوا اربع سنين في كلية الشرطه علشان تعملوا تشكيلات تقبضوا بيها علي الناس بالمنظر ده ؟ حتي لو عايزين تفرقوا المظاهره في سبع تلاف طريقه تانية .. لو بس دماغكوا شغاله .. خدوا دي بقي

يعني كان ايه اللي هيحصل ياعالم يامعفنه لو كنتوا سبتوا المظاهره تحصل ؟ ها ؟ ولا لازم تبينوا انكوال بلطجيه وادها وادود ؟

جتكوا القرف .. جتكوا القرف

-

انا فعلا مش قادر اكتب حاجه عن اللي شفتها .. ساعات كتير مش  بعرف احكي حاجه حصلت .. نهايته .. روحوا اقروا هناك هتلاقوا تفاصيل اكتر واهم

http://egyprotest-defense.blogspot.com/

بكرة الساعه 12 الضهر هيكون ميلاد مجلة وصلة .. واللي هتنقل كتابات المدونين الإنترنتية لكتابتا ورقية مطبوعه !

متتأخروش بقي .. والمكان في مقر الشبكة العربية الجديد : 10شارع علوي ، خلف البنك المركزي ، شقة 5، القاهرة ، وسط المدينة.

وأنا إعتقادي الشخصي ان المؤتمر الصحفي ده هيكون فرصة كويسة علشان نسئل القائمين علي – الوصلة – إذا كان الإسم ليه علاقة بوصلة النت بتاع المدون وائل عباس اللي كان صدر ضده بخصوصها حكم بالحبس ست شهور واتلغي في الإستئناف ولا لاء ؟

ولا مثلا موضوع الوصلة ده ليه علاقة بوصلات الست أم كلثوم .. انها كانت بتغني للناس .. ومحررين الوصله ناويين يغنّوا علينا مثلاَ بلسان المدونين !

يعني المهم .. ان المؤتمر هيكون مهم علشان كل الأسئله اللي مش لاقية إجابه داهيان  !

Success  is like to be pregnant and everybody congrats you and nobody cares how much you get fucked for this.

This SMS I received from unsaved number around 1 am last night .. and surely i didn’t try to  call the sender !

Thanks Mr. unsaved !

دي حلقتي انا ونواره من – مع حرنكش -   .. علي الله تعجبكم

طبعا الحلقة دي تم تأجيل بثها اسبوع علي راديو بكره .. لكن الحقيقة القائمين علي راديو بكره اثبتوا بقوة انهم – حتي لو انحرفوا مره  صغيره – مع حرية الرأي والتعبير وداعمين ليها .. واثبتوا ان راديو بكره كله بيعتبر جزء مهم من جسر الوصول للحرية