التصريح ده خرج إمبارح من وزارة الخارجية الامريكية .. مش عارف ليه محدش شايفه في اي حته ! عالعموم موجود معاه ترجمة ركيكه تمت بواسطه كاتب السطر ده !

Moving to the Middle East, we are deeply concerned about the arrests of Egyptians under the emergency law.  The Government of Egypt must uphold the rights of all people to express their political views peacefully and to ensure due process.  The United States believes that all individuals should be allowed to exercise freedoms enshrined in the Universal Declaration of Human Rights.  The people of Egypt should be able to participate in the political process and ultimately determine who will run and win Egypt’s upcoming elections.

وبالنظر إلي الشرق الأوسط , نحن قلقين للغاية بسبب ما حدث من إعتقالات تعرض لها المصرين تحت طائلة قوانين الطوارئ ، والحكومة المصرية يجب ان تؤيد حق الشعب المصري في التعبير عن أرائهم السياسية بشكل سلمي لضمان مراعاة الشرعية القانونية.

الولابات المتحده تؤمن بحتمية ان يكون مسموح للأفراد بإستخدام حرياتهم وحقوقهم المكرسه في الإعلان العالمي لحقوق الإنسان ، ويجب ان يستطيع الشعب المصري من المشاركه في العملية السياسية ليحدد في نهاية المطاف من سيفوز في الإنتخابات المصرية القادمة.

مره أخري .. لم يفكر مروجي الحملة الإعلامية لمؤتمر الحزب ” الوطني الديمقراطي ” عندما وضعوا لافتات ” من أجلك انت ” علي مقرات الأحزاب وعماويد نور الكباري – لعل كونها من أهم إنجازات إدارات الحزب المتعاقبة – .. في أن بعض الكوارث “العابرة” التي وقعت نتيجة فسادهم هي أول ما يظهر في خيال اي قارئ لشعارهم – من أجلك أنت – !

رمضان من أهم مواسم الإعلانات ..وساعات كتير بشوف إن إعلانات رمضان فيها إحترافية عن مسلسلاته بمراحل وسنوات !
وسط الحملات الكتير والقليلة اللي موجوده .. من كولا لبيسبيبسي .. ومن فودافون لموبينيل ..  وحتي تايد وبرسيل ظهرت علينا حملة مش هتلاقي إعلاناتها عالنت.. إلا لو عبد الله كمال نزلها عالفاسبوك بنفسه !
الحملة هي للجريدة الغراء الشقراء الهيفاء روزا اليوسف !
إعتراضي مش علي فكرة ان الجرنال يعمل دعايا  .. واللي طبعا فلوسها جايه من حملة الضرايب اللي المصريين بيدفعوا فيهم دم قلبهم
وفي الاخر الجورنال راح ولا جه مبيكملش بيع الالفين نسخه .. لكن إعتراضي علي بجاحة فكرة الإعلان

ربنا امر بالستر يعني .. متبقاش جورنال لامؤخذه وتقول انه جرنال بلون المصريين

..خليني احكيلكم الإعلان

واحد ماسك ورق ابيض .. وصوت الناريشن .. فيه ورق ابيض .. لما تقرا اكنك مقريتش حاجه
واحد ماسك ورق اصفر .. وصوت الناريشن .. فيه ورق اصفر لما وصواته عالي .. مبينقلكش الحقيق
واحد ماسك ورق اسود .. وصوت الناريشن بيقول .. فيه ورق اسود يجيب الاكتئاب
واحد ماسك روزا وصوت الناريشسن بيقول روزا اليوسف جرنال بلون المصريين

الف بيه دعايا بتقلك متعلنش عن حاجه مش موجوده في المنتج بتاعك .. ويظهر ان المبدا ده سقط عن الشركه اللي بتعمل الدعايا
ومش عارف بأمارة ايه يتقال ان روزا اليوسف جرنال بلون المصريين .. هما المصريين بيستخدموا املاك الدولة ويصفوا حسابات شخصية لرئيس التحرير ؟ ووزير الإعلام ولا عمرو أديب ؟
هو الشعب المصري بيعمل صفقات علي حس علاقته بلجنة الٍسياسات .. ولا بيكدبوا وبيلمعوا مشروع التوريث ؟
روزا اليوسف اه ممكن يكون لونها مش اصفر ولا اسود واكيد مش ابيض … بس الأكيد ان لونها مش لون المصريين
لأن المصريين لونهم مش خراوي !

حاجه تقرف