يوم الحفلة كان حصاد لأكتر من …. تعب …..بس الحمد لله الجمهور كان لطيف وفضل الحفلة علي الماتش بتاع الاهلي والاسماعيلي

الحفلة كانت يوم الخميس وانا لسه واخد نفس دلوقتي .. مش عارف اقول ايه بس بجد انا عرفت اني عزيز عند ناس كتير اوي وقفوا جنبي في الحفلة وكانوا بيساعدوا بكل اللي عندهم علشان اليوم يطلع كويس

وكمان معرض الفوتغرافي اللي كان موجود بره كان شادد الناس جدا وكانت فكرته ممتازه .. وتقريبا كده علي حد معلوماتي ان المكان ده اول مره يتعمل فيه معرض فوتوغرافي

فاكر العمال اللي في الناقبة اللي قالوا .. ” وقال بيقولك فيه ماتش قال ومحدش هييجي .. دي القاعة اتملت “

كله كوم بقي وطاهر وعادل وعيد

نبدأ بعادل الاخوانجي … اللي تجرد من اخوانيته وأكد في اخر بوست عنده انه الفيلم مش إباحي … وانه اجتماعي بحت … عالعموم تشكر ياعم عادل … المهم بقي اكملكوا … المفغروض اننا من الساعه 7 تشتغل اغاني لدليدة ومغنين تانيين لغاية ما الحضور يستقر في مكانه … ووقت ده المفروض ان عادل هو اللي مسئول ..ادور عليه مش لاقيه … ادور علي اللاب توب اللي بنعرض مكن خلاله برضه مش لاقيه ..أعصابي تعبت وقلبت عليه النقابة … لغاية في الاخر قلت اشوفه في قوضة الاعتتصام … اصلي فيها وير ليس

وقد كان…. لقيته نايم علي الكرسي .. ومعاه صديق ليه .. وفاتح المدونة بتاعته … حصل اللي حصل بقي .. وطلع شغل الاغاني

اما طاهر بقي .. اللي متنازلش انه يسيحلي ويقول عليا قال ايه اني بكلم الماره في الشارع … مجنون انا … مجنون يعني ولا مجنون

محمد عيد واحمد عيد بقي الكلام عنهم ميكفيش لانهم بجدوا تعبوا معانا اوي وكان نفسهم ان اليوم يطلع حلو ويمكن احلي كمان مااحنا عاوزينه يطلع ….بجد مش لاقي كلمه شكر كافية يارجاله …نكرمكوات كده يوم فرحكوا:D

 والناس اللي جم منطنطا … تصورو جم من طنطا مخصوص علشن يحضروا حفلة ون شوت … كان الفمروض اكلمهم اشكرهم علي حضورهم .. بس الحقيقة لما باجي اتصل وحده بتقلي عفوا ….. :$ احم احم … انتوا فاهمين بقي

بس بجد الحمد لله … انا فرحان جدا بالحضور الممتاز … وبالنسبة للحضور في سينمائية جميلة اسمها هناء ارنست … بتنظم ملتقي

كده زي المهرجان كل سنه .. وبيعتبر من اهم الملتقيات للسينما المستقلة ..إستغربت من الحضور وعلقت عليه

حضور جميل كان لنبيهه لطفي … اللي مداخلتها في الصاله وتعليقها علي الافلام ..زود من قيمة الندوة

وكذلك محمود عبد السميع

بشكر كل اللي ساعدنا علشان اليوم يطلع حلو كده … بشكر كل اللي جه اليوم ده … وبجد ومش فرقعه … انتظروh فالقادم مذهل اكتر::::

نقلا عن موقع ون شوت

http://www.1shoteam.org/home/index.php?

option=com_content&task=view&id=3&Itemid=1

إحتفالية ون شوت بنقابة الصحفيين بالقاهرة

ينظم فريق ون شوت الفني إحتفالية فنية يوم الخميس  28/6 في مسرح نقابة الصحفيين بالقاهرة

وتضمن الإحتفالية

- عروض مجموعة من الأفلام الديجتال القصيرة ذات الإنتاج المستقل ” تعرض لأول مرة “

سراب …. للمخرج سمير عِشرة

تنهيدة ….. للمخرج محمود صابر

يوتوبيا …. للمخرج سمير عِشرة

- ندوة فنية تستضيف الناقد الفني : نادر عدلي

- أغاني ومقطوعات موسيقية من هنا وهناك

- معرض عدسات واعدة الفوتوغرافي وتعرض فيه أعمالا من تصوير الفنانين

بيتر الفريد كمال

محمد عادل

محمد الطاهر  

سارة

سيقوم بتقديم الإحتفالية ….. الإعلامية : بثينة كامل ، الصحفي خالد كساب

هذه الإحتفالية منظمة من قِبل فريق ون شوت الفني بالتعاون مع اللجنة الثقافية بنقابة الصحفيين

فريق ون شوت الفني …..

هو مجموعة من الهاوين للفنون بمختلف فروعها وأطيافها إجتمعوا علي هدف بناء جسور التواصل فيما بينهم

وله أنشطه عديدة وصولا لهذا الهدف منها تنظيم الحفلات والملتقبات الفنية المختلفة في المراكز الثقافية  

وكان ” لــ ون شوت ” حفلة سينمائية في أكتوبر الماضي..

وتأتي هذه الحفلة توكيدا لشعار ون شوت في عام  2007

” تـــــــــــــــــعالوا شوفوا فننا ”

الحضور في السابعه والنصف

كل حين وحين لما الناس تلاقي قصه حب كده أسطورية تتفاعل معها

فمن بعد روميو وجولييت وعنتر وعبلة وقيس وليلي .. والاميرة ديانا

مسمعناش عن قصة حب تفاعل معها الكثير

حتي ان جاءت القصة المشهودة .. أحمد وسالي

قصه أحمد وسالي والتي تابعها بكل شغف كل بيت مصري وكل شاب او شابة حالمة وبها في القلب بعض الرومنسية الباقية من زحام الدنيا

أحمد وسالي اللي بيحبوا بعض .. والظروف دايما بتقف قدامهم .. احمد وسالي .. اللي الشمس بتشرق لما ايدهم تلمس بعضها وبتغرب لما يغمضوا عينهم علشان يحلموا ببعض

 أحمد وسالي اللي قصة حبهم علمت شباب مصر إزاي يحبوا

 سالي اللي عشقت عنيها علشان شافت احمد .. وأحمد اللي حصد نفسه ومصدقش ان ربنا بيديله كل حاجه حلوة في الدنيا في حاجه اسمها سالي

ولكن كأي قصه حب .. هناك مفرق الجماعات .. وهادم اللذات .. واللي دايما بيبوظ أي قصه حب .. وفي قصتنا بتاعة احمد وسالي .. هادم اللذات هو أبوها

 ابوها اللي كل مرة يدخل بينهم ويقول بصوت الجوهري المسرحي العريض … ” إنتي يابيت ياسااااالي .. مش تبقي تشدي السيفون يابيتت “ .. وفي الجزء الاخير من قصه احمد وسالي .. مامة سالي قررت انها تضحي بسعادتها وتنفصل عن ابو سالي وزوجها .. ” اللي اكيد ما يتعوضش “

هذا وشبشب بصباع نزلت وعرفت ايه راي الشباب في قصة حب أحمد وسالي

 قالت احداهن ” انا مش عارفة ليه كل قصه حب نتفاعل معاها ونحبها تنتهي بحاجه كده مش حلوة .. املنا كله في احمد وسالي انهم يعملوا حاجه مطرقعه .. ويبعدوا عن ابوا سالي اللي واجع دماغنا

 وقال احدهم .. والله انا معجب اخر حاجه بالواد اللي اسمه احمد … وهو لو شاب تمام ومخلص .. يروح يخطف الجثة ” سالي يعني ” ويضربوا ورق عرفي عند أي حد وخلص الحوار علي كده

وقال اخري .. لازم ام سالي متسكتش لابوها كده هيبوظلها الجوازة والعريس هيفكس من البت

 هذا ويجلس شباب مصر في قلق علي قصة حب احمد وسالي .. ادام الله عليهم نعمة الحب .. وخلصهم من ابو سالي .

كل مشاعري كانت تلك – التنهيدة –في احد الحوارات الصحفية مع المخرج محمد خان .. قال في تصريح هام له … ان الاخراج السينمائي حق لكل مواطن … يعني .. كالماء والهواء كده

ومما لا اختلاف عليه ان الدارسين الاكادميين للسينما ” اللي همه علي دماغي من فوق ” محتكروش صناعة الافلام .. وان أي مواطن .. من حقه مادام رأي في نفسه هذا ان يأخذ هذه الخطوة

وقد كان ….. فبعد مرور أعوام علي إهتمامي الفني بصفه عامة والسينمائي بصفة خاصة .. وبعد مرور أعوام أيضا علي مشاركتي في بعض مشاريع التخرج من بعض الاكاديميات … وبعد مرور زمن ” لا اعرفه علي وجه التحديد ” من متابعتي للساحة الديجتال المصرية

قررت منذ حوالي ست شهور .. أي في بداية العام تقريبا ان اقود تجربة ما .. لم اكن اعرف ملامحها بعد !! ..

ذهبت الي صديقي وأستاذي … الكاتب حسن أبو العلا .. ” له عدة مؤلفات أدبية عن دور نشر مختلفة ”

وأخذنا نتناقش يوماً بعد يوم .. لمدة خمس أشهر تقريباً .. ونتناقش في فكرة تتلوا اخري .. وهكذا… الي ان توصلنا اخير وليس اخرا الي فكرة ما .. ولظروف إنتاجية تم الغاءها وكان بعد الكتابة والتجهيزات الوريقة الاخري … وفي الأخير استقرينا علي فكرة ما .. وهي ” تنهيدة ” .. وتمت الكتابة في حوالي أسبوع ونصف الاسبوع .. وقد كانت …

ساعدني في هذا العمل .. كثيرين .. منهم من هم أصدقائي من قبل العمل كـصديقي العزيز سمير عِشرة .. الذي تفضل مشكورا بعمل المونتاج للفيلم … ومنهم من هم من أصبحوا أصدقائي بعد “التنهيدة” ..وهو الموسيقار أحمد رستم .. الذي لم يتردد لحظه في تأليف الموسيقي الخاصه بالفيلم .. وأتم جميله بمساعدات أخري من خلال استديوا الصوت الخاص به والعزيز سيزر ديابلو الذي صمم البوستر الخاص بالفيلم .. بأسرع ما يمكن

كل مشاعري كانت تلك – التنهيدة –

لا انكر .. ان من الممكن …. بل من المؤكد …. انه سيكون بهذا العمل كل أخطاء التجربة الاولي ” تقريبا ” … ولا يؤرقني كثيرا ذلك .. فقد كانت تنهيدة اردت ان تكون باكورة تجاربي …

لا اريد ان اتحدث كثيراعن ظروف انتاج هذه التجربة .. الا بعد ان تروها ..

وكل الشكر لأصدقائي الذين لولاهم ما كنت انا انا … ولا كانت التنهيدة تنهيدة

إنتمائي لون شوت كان بالغ التأثير وساعد في تطليع ” التنهيدة”

ون شوت ..

هو مجموعة ليست كبيرة العدد .. متفقه علي هدف كبير أساسي وأصلي هو التواصل .. التواصل بين محبي الفن الواحد … ومن كتر ما اقول هذه الكلمة علي لساني .. أحس ويكأني عندما يحين الاجل ” بعد الشر يعني “ سأقول وصيتكوا العيال وأمهم .. والتواااااااصل … ولعل إيماني الشديد بمدي أهمية هذا الهدف هو ما جعلني ” ولي كل الشرف ” أن أشارك في تأسيس ون شوت .. ون شوت الت لم تتبلور فكرتها الا في من وقت قريب .. تم تأسيسها منذ حوالي عام .. وفي هذا العام كانت هناك أنشطه عديدة .. لعل أهمها وأبرزها .. هو حفل نقابة الصحفيين الذي تم عرض ثلاثة أفلام ” تجارب اولي لاصحابهم .. وكنت مشارك في تنظيم هذا الحفل … مع اني لم يكن لي عمل معروض .. .. لم تكن مهمه حياتي او ميشون اوف لايف .. فقد هي نتاج طبيعي لشدة ايماني بأن ما انتج يجب ان يعرض .. وللجمهور رأيه الذي هو الفيصل .. ونحن في إنتظار إحتفالية قادة بنظور ورؤية مختلفة في الايام القريبة القادمة بمناسبة مرور عام علي فكرة ون شوت

وفي الاخير ارجو من الله ان يلقي العمل إستحسانكم

ولا يهمك ياريس .. من الامريكان ياريس .. حواليك أشجع رجال

ده الصبر قاد حرايق.. جوه قلوب الخلايق ..ما يصنع الحقايق

الا عبور المحال

كلمات تغنت بها القيادة السياسة علي شعب طالما خدع من قيادته التي وعدته برمي إسرائيل في البحر ولكن رمت هي شعبها ياحلامه في البحور العظمي السوداء

بحور الهزيمة .. بحور الخداع

يعني ايه .. البلد محتلة .. والريس بيتنحي .. والشعب في الشارع .. طب وبعدين

كانت هذه هي الكلمات التي تذكرها رجل بسيط كان قد أخذني حواري معه الي مراحل متعددة في تاريخنا

ولكنه أكد علي انه كان مصدق قائلاً .. والله كنا مصدقين .. وفرحانين مش زي دلوقتي !!!

مع اني لم اعايش هذه الهزيمة .. ولكنني واثق من انها كانت نكسة ولا تزال

ولكنها كانت فقط نكسة عسكرية؟ … وان كانت .. هل كان بالتوازي معاها نكسات اخري مترتبة علي فقدان الثقة في القيادة ايا كانت ؟..
——
هل أحداث العنف بين مختلفي الاديان بأسباب ليست مبررة ليست نكسه .. ؟ أظنها نكسة ونص

هل إعدام أي رمز ” إعدام مجازي ” يتفق عليه مجموعة ولو قليلة من الناس حتي لا يكون هناك قائد واحد ملتف حولة فئة من الناس ولو بسيطة .. ؟ أظنها ايضا نكسة ونص

هل تقنين ” عفوا أقصد دسترة ” مواد بوليسية .. من شأنهات وبحق تكدير الامن العام ليست نكسه .. ؟ أظنها نكسة ونص .. وتلت تربع

أكرر من شأنها تكدير الامن العام .. نعم من شأنها تكدير الامن العام .. لان عندما تقف في نقطة وتُفتش بطريقة ليست أدمية ليتضح في النهاية ان من يفتشك ويفتش من معك لا يطمع الي في بعض النقود ,, فهي نكسة .. وعندما يرد من حولك قائلا .. مادام سليم ومعاك بطاقتك خايف من ايه ؟؟!! … اليست نكسة.. فهي نكسة ونص .. ويكأن ليس هناك حساب ما للادمية او مثل هذه التفاهات ..

ويكأن كل أفراد الشعب مجرم وعليه إثبات العكس …

نكسة ونص..

من الممكن ان يكون حقا كل أفراد الشعب مذنب ومجرم … ولكن ذنبه وإجرامه علي سكوته علي تكرار النكسات ..

ولتبقي كلمات نجيب سرور راسخه ومؤكده …

والله لتحصل بدل النكسة ميت نكسة