في مصر : بعد يوم الإبداع يحاكم
«صنعا وحازا بقصد الاتجار والتوزيع مطبوعات منافية للآداب العامة، بأن قام المتهم الأول (مجدي الشافعي) بتأليف كتاب «مترو» وضمنه عبارات منافية للآداب العامة وقدمه المتهم الثاني (محمد الشرقاوي) الذي قام بطباعته ونشره وتوزيعه»
..هذه هي التهمه التي وجهتها النيابه الي من أسمتهم متهمين .. الفنان مجدي الشافعي والناشر محمد الشرقاوي .. وسط خيبه أمل إنتابت كل الفنانون والحقوقيون والحالمون بالحرية ..
وتمت المحاكمة وكأن الأمر لا شيئاً … وكأن الأمر ليس محاكمة للعقول المنتجه .. وليس محاكمة للإبداع بذاته .. وليس محاكمة للفن والأدب والعلم.. وليس محاكمة للتقدم والتحضر .. وليس محاكمة للحرية والديمقراطية .. وليس إجهاضاَ لحرية الراي والتعبير وليس إنتهاكاَ لحقوق الإنسان ومعاييرها وتحديا لمناديها والمدافعين عنها
وكأن الأمر لم يكن إنتصاراً صريحا واضحا لا يستطيع إنكاره عاقل للتخلف والرجعيه والتطرف وكل ما هو موجود من معانِ سلبيه
وكأن الأمر تماما لا شئ .. !
في جلسة المحاكمة الأولي حضر مدافعين ومتضامنين يصعب حصرهم في سطور وكان من أبرزهم الكاتب صنع الله ابراهيم .. وتم تأجيل المحاكمة الي يوم السبت الثامن عشر من أبريل الجاري ! اي بعد يوم .. وكأن كان هذا الزحام كان لا أحد ..
فلاش باك :
في ابريل الماضي تمت مصادرة الرواية من ” ملامح ” دار النشر والتوزيع عبر شرطة الأداب بتهمة طبع وحيازة بقصد الإتجار مطبوعات منافية للأداب ” .. وفي مايو الماضي تقدم محامي الحزب الوطني ” المتخصص في القضايا من هذا النوع ” بتقديم بلاغ الي النيابه العامه يحمل نفس الإتهامات التي وجهتها شرطه الأداب .. ” شوف الصدف يا اخي !
الجدير بحرقة الدم .. ان الماده اللي بيحاكم بيها الشرقاوي والشافعي هي مادة من قانون العقوبات بخصوص إتجار ويحازة مطبوعات منفاية للأداب ” ولاد الوسخه فاكرينها مجلات سيكس ” .. خلاص .. شرطه الأداب اللي مبسمعش عنها الا في افلام التمانينيات .. عملت كل اللي عليها في البلد .. وخلصت علي كل الأشكال المنافية للأداب في الشارع المصري .. وانهت تماما ظاهرة التحرش.. وبعد كده راحوا علي دور النشر .. حبة موظفين .. يمسكوا روايات ويقولوا ده منافي للأداب ولا مش منافي .. ياخي احيه .. هو ده مصير الإبداع في مصر .. الإبداع بيتحاكم!
طب بلاش .. إمتحانات التقديم للمعهد العالي للسينما عارفين اول جمله بتبقي مكتوبه فيها ايه ؟
عزيزي الطالب .. إطلق لخيالك العنان ..وأكتب ما يخطر لك !
طب وهو هيطلق لخياله العنان ازاي بس .. ده الموضوع فيه كلبوش في الاخر .. يعني مثلا لو حد عمل فيلم ولا قصه فيها البطل بيتاجر في المخدرات .. ممكن مباحث مكافحة المخدرات تيجي تقبض عليه .. وتقوله اصلك بتروج لفكرة الإتجار وبتحرض عليها ؟ .. طب ياخي احيه تاني .. ولا لو واحد عمل فيلم فيه حادثة إغتصاب ولا حاجه .. تيجي الاداب تقولهم مساء الخير؟
مفيش إطلاق للعنان اخره كلبوش .. مفيش إبداع أخره محاكمه .. مفيش حرية .. مفيش مستقبل .. بس ها !
