After The Egyptian Algerian Game [ 4-0 ] that took place in Jan. 28th 2010 Egyptians went out .. and Celebrated the victory
Heliopolis, Cairo, Egypt to the Morning ! Check The Video out !
إسترجل ومتعملش تقرير الضرايب العقارية !
غير اللي يسري فوده قالّه في مقاله .. ببساطه لو “افترضنا” ان الدوله ليها حق فيها امتلكه من أصول للإستعمال الشخصي أمتلكها المواطنين بعد الإدخار من أموالهم – الخلصة الضرائب ” انا مش مسئول عن عدم تنظيم اللدولة وان كل اللي طالبه مننا – معالي الوزير يوسف غالي – اوي – من مهمات أجهزة الدولة المختلفة مش من مهمة المواطنين !
الناس دي لازم تعمل بلقمتها – الأملاك مسجله في الشهور العقارية المختلفة – بخلاف وجود جهاز كامل من أجهزة الدولة مهمته الأولي والأساسية والرئيسية هي التعبئة والإحصاء
لاء وبيلعبونا .. شويه يقولي اخر معاد شهر اتناشر وشوية يقولوا اخر معاد شهر تلاته وشوية مبارك يطلع ويقولك الموضوع مش نهائي .. هي سته إبتدائي ولا ايه يعني ؟ ماتستهدوا بالله كده وتتفقوا الأول !
وقال يعني بندفع ضرايب وبنشوفها في خدمات حقيقية .. بس ما علينا !
تاني – الضرايب بتتدفع علشان الدولة واجهزتها .. وان املي تقرير فيه نمرة الموبايل وعندي كم ملك وأوديه لوزارة الماليـ-هم- وهما قاعدين عليها ! تبقي اسمها بجاحه !
إعملوا بلقمتكم ياعالم ياواطية !
إسترجل ومتعملش تقرير الضرايب العقارية !
The after midnight SMS !
Success is like to be pregnant and everybody congrats you and nobody cares how much you get fucked for this.
This SMS I received from unsaved number around 1 am last night .. and surely i didn’t try to call the sender !
Thanks Mr. unsaved !
Fuck The Egyptian Police !
Because this, this, this, this and This ..
FUCK THE EGYPTIAN POLICE !
Some of my tweets about the Egyptian police day :
They have the authority to kill a minority
Only In Egypt any Mothafucka in a black or white uniform his first name is basha !
Fire Players !
Where ; Zaza coffee in the end of hamad ben essa st. sharm elshekh !
When ; The first day of 2010!
Sorry for the bad quality but it still viewable !
New guest !
الأستاذ اللي في الصورة ده .. اشتريته من محل هندي – قديم – في ليكسنتون افنيو – منهاتن – نيويورك سيتي .. شهر تمانية2008
ولما رجعت مصر حطيته في العربية .. وفي احدي الحوادث اختفي وافتكرته ضاع وعلت اوي عليه ..
لكن بقدرة قادر لقيته مره تانية .. ومتتخيلوش اد ايه عدل مزاجي انه يكون ليه مكان جديد حواليّا
غزة فريدم مارش !
الشهر اللي فات – ديسمبر 2009 – جه عدد كبير من الناشطين الدوليين في محاوله لفك “الحصار” عن غزة ولأن الحكومة المصرية غتت تحول الموضوع لمظاهرات في شوارع مصر اللي قدام السفارة الفرنسية واللي قدام الأمريكية – اللي تم الإعتداء عليهم – واللي قدام نقابة الصحفيين !
طبعا الناشطين واجهو في مصر معامله زي الفل من الأمن وتم ضربهم في اكتر من مره كان ابرزها قدام السفارة الأمريكية
قضية غزة قضية إنسانية والتضامن معاها تضامن مطلوب طول ماهو تضامن مع الناس مش مع سياسات هنا او هناك !
عايز اتكلم بقي عن كذا نقطه كنت مأجل فيهم الكلام لغاية ما اروء .. وبإعتبار اني رايق وعندي امتحان يوم الخميس فخلونا نتكلم !
أولا جالاوي .. واللي بعض الشباب سموه جزالاوي
جالاوي نائب بريطاني ممكن تطلق عليه لقب – محترف شرق اوسط – الراجل كان حالف ميت يمين انه يعدي من علي سوريا ف الرايحه او الجايه لسببا في نفسه .. غير ان كذا مصدر اكدلي وجود اسمه في كشوف كوبونات البترول بتاعة صدام .. واللي كان بياخد منها برضه اسماء بارزة جدا في وسط المعارضه المصرية ومش هقول هما مين عشان انتوا اكيد عارفين !يعني .. .. فهو يري فيه ما لا نري ! ولذلك سمي بمحترف شرق اوسط
جالاولي بقي في عز ما كان في غزة – طبعا داخل من مصر – قال انا لا يشرفني اني ادخل مصر تاني .. وفي طريق العوده دخل مصر وراح المطار في حماية لامن وطار عائد لبريطانيا مره تانية . وبعد ما وصل بالسلامه .. حسام زكي – المتحدث بإسم وزارة الخارجية – صحي من النوم – لانه اكيد كان نايم – وقال تصريح بيأكد فيه ان جلاوي شخصية غير مرغوب فيها داخل مصر !.. طب بعد ايه ياراجل .. ايه حركات العيال دي .. يعني هو قال مش عايز ادخل مصر وهو ف غزة .. ودخل مصر وخرج من مطار القاهره وباسبورة اتختم من الامن المصري .. وبعد ما يروح بلدهم بالسلامه … حضرتك جاي تقول شخصية غير مرغوب فيها !؟
هو ده اللي قالولنا عليه محن دبلوماسي .. مُحن دبلوماسي من وزارة الخارجية في احسن صورة – - عايز اقول الله يرحمك ياسادات !
نيجي بأه لكود بينك – او حركة نساء من أجل السلام – واللي انا عن نفسي معجب بيهم جدا لأسباب هقولها دلوقتي
حركة كود بينك عباره عن مجموعة من الستات – شبه عبله كامل في خالتي فرنسا – وتقدر تفهم ده لما تشوف الفيديو ده !
كود بينك دول بأه فيهم حاجه انا مش فاهمها .. مقابلتش المنسق بتاعهم في القاهره الا لدقايق قليله ومتكلمناش في حاجات كتير .. لكن كل اللي قابلتهم من الناشطين الأجانب كانوا بيشتموا فيهم بقوة وبيضايقوا جدا لما يتقال ان كود بينك معبرة عن المسيرة !
طبعا كان فيه كمان ناشطين مستقلين ودول يمكن اللي يتوصفوا بـ ” من رحم ربي ” في الليله اللي فاتت دي كلها ! بصرف النظر عن إنتمائهتهم اليسارية !
-
عايز ارجع تاني لموضوع الحكومة بتاعتنا وتعاملها – الغلط ف غلط – مع موضوع المسيرة ده !
أولاً إختيار توقيت بناء الجدار اللي تحت الأرض في غزة – مكانش حبكه تبدا في الجدار قبل ايام قليلة من بداية توافد الناشطين الدوليين اللي جايين مخصوص عشان غزة – مع العلم بأنه سد الطرق امام الأنفاق الغير شرعية في حالة حركة طبيبعية للمعبر شيء مفهوش اي غبار من وجهة نظري – وموضوع فتح المعبر هقول عليه كلمتين ف الأخر
ثانيا الحكومة اختارت – بكامل وعيها- ان الأمور تفضل عايمه ومش معروف اي حاجه عن خط السير – اللي هي محدداه – ولا المدخل اللي المفروض يدخل منه الافراد والمدخل اللي تدخل منه المساعدات وادت الفرصه لجالاوي انه يمثل ويقول دول بيمنعونا ومش عايزنا ندخل واحنا هندخل من رفح – مع انه معبر افراد بس -
يعني لو كانت وزارة – لامرخذه - الخارجية عملت خط سير للمسيرة وقالت في بيان محترم احنا بنرحب بالمسيرة الدولية وده خط السير اللي حكومة مصر اختارته واعلنت ده كله في الإعلام – .. مش كنا خلصنا ؟ ؟ ؟
لكن إزاي وإزاي .. البعاد تفكيرهم موصلهمش لده .. وبقت الصورة للعالم كله ان الأمن المصري بيعتدي علي ناشطين دوليين قادمين لفك الحصار عن غزة ! وده للاسف حصل عشان سببين – اولا احنا في دولة ديكتاتورية لا يزال المسيطر الأول فيها هو الامن وافراده – ثانيا – الخارجية المصرية مبتعرفش تشتغل !
تالت نقطه بقي واللي لغاية دلوقتي انا مش فاهمها .. حسام زكي – المتحدث الرسمي بإسم وزارة الخارجية – وبطل الببوست ده قال في تصريح مشهور اتنشر في كل الجرايد تقريبا ان الناشطين الفرنسيين خدعونا ودخلوا بتأشيره سياحية !!!!!!
ثانية ثانية ثانية .. هو فيه تأشيرة سياحية وفيه تاشيره مظاهرات ؟ لو حد فاهم الموضوع ده والنبي ما يبخل عليا !
وبالمرة بقي .. طبعا اكيد كلكوا شفتوا الفيديو اللي رامي رؤوف رفعه و حسام زكي قال فيه ان الإيميلات متراقبه .. طب مادام هو ياحرام مبيعرفش يتكلم كده .. ليه بيحطوا قدامه ميكات ؟
بين قوسين – فهمي هويدي مفوتش موتة الجندي المصري اللي عالحدود الا لما قال ان السبب في قته هما اللي عطلوا المسيرة ولا قال تعنت حماس ولا غباءها السياسي ولا حتي دان الرصاص المتجه للمصريين علي الحدود .. ولكنه اكتفي بإدانة اللي عطلوا المسيرة وضربوا الناشطين الدوليين في رفح !
اخر جاجه عايز اقلها هي .. لقيتني وبالصدفه سجلت فيديو لأحد الناشطات القوميات في المظاهره اللي قدام نقابة الصحفيين .. واللي كان تلت تربعها – او اكتر ناشطين دوليين -
وقالت ياجماعه احنا عايزين نقاطع المسيرة دي علشان مشارك فيها امريكان وصهاينه – اه والمصحف قالت كده – الفيديو يمكن الكلام مش واضح فيه اوي بس واضح الخناقه بينها وبين ناشطه فرنسية واللي وصلت للضرب بالإيد وكانت هتزيد عن كده لولا ان كمال خليل مسك المايك وهتف
ده كان الغريب .. اما الاغرب بقي ان طلع ده مش موقف – الناشطه دي – بس دا كمان موقف جماعات سياسيه كبيرة ومعرفوه اتجاه المسيرة دي
يعني ناس يتعرف عنهم دائما دعمهم للقضية الفلسطينية وكل ما يخص القضية الفلسطينية – ويقاطعوا مسيرة اسمها مسيرة فك الحصار عن غزة لمشارك امريكان وصهاينه فيها !
هو إزاي فيه كده ؟
مؤتمر صحفي للمباردة عن أحداث نجع حمادي
مؤتمر المبادرة المصرية للحقوق الشخصية حوالين قضية نجع حمادي يوم الأربع – 20 يناير – بكره- الساعه عشرة الصبح في مقر المبادرة المصرية في 8 شارع محمد علي جناح (البرجاس سابقاً)، الدور الرابع، جاردن سيتي، بجوار البنك العربي الأفريقي.
مزيد من التفاصيل عالفاسبوك إيفنت
تصوير وكده
مرحلة التصوير في مشروع قرّب المسافه علي وشك الإنتهاء ودلوقتي بنحاول نبدأ مرحلة المونتاج في اقرب وقت
يوم التصوير إتفاجئت بكم الطاقه الإيجابيه اللي موجوده وسط الناس واللي بيتعاملوا بيها الناس مع بعضهم .. كل واحد من المشتركين في المشروع شخصية متميزة جدا ومبدع جدا في ناحية مختلفه
من اكتر المشاريع اللي اتبسط بالشعل فيها ..لأن كل الطاقه دي كانت تطور طبيعي للي بدأناه .. والطاقه دي بأه هي اللي خلت الناس لما تساعدنا تساعدنا بقلب !
وفي معظم الأوقات من غير مقابل .. ومنهم علي سبيل المثال – لا الحصر- المصور الجميل محمد علي الدين اللي جه وقضي معانا يوم كامل تطوعيا علشان يصورنا واحنا بنشتغل
يوم التصوير ده فعلا كان ممتع !
ادعولنا بقي ان مرحلة المونتاج تعدي علشان تقدروا تشوفوا الشغل ونعرف رأيكوا فيه
الصورة تصوير محمد علي الدين
وصور أكتر لــ قرب المسافه .. هناك