البيان الذي القاه نظيف بالامس في مجلس الشعب بخصوص تمديد الطوارئ .. نستطيع ان نوصفه هو والتصريحات الضمنية بأنها أساليب تبريرية يعتقد ” نظيف ” ان من شأنها تهدئة الرأي العام .. وللأسف أظنه أصاب !
يقول نظيف ان كان أمامه خياران لا ثالث لهما – الأول هو  الإستعجال في إصدار قانون الطوارئ والثاني هو إمداد الطارئ مرة أخري.
أما الخيار الثالث وهو وقف العمل بقانون إستثنائي لم يكن مطروحا لخوف وقلق نظيف وحكومته علي إستقرار وأمن البلاد ونموها الإقتصادي ..

اه وأيمنات المسلمين قال نموها الإقتصادي مش عارف الحقيقة هو يقصد ايه بنموها الإقتصادي .. نمو مين بالظبط .. وإقتصاد مين بالظبط؟

نهايته…
وأكد نظيف ان الحكومة إستقرت علي طلب تمديد قوانين الطوارئ وهو كره لها لانها لا ترغب في العمل في قوانين إستثنانئية
احم احم .. صباح الخير يادكتور .. حضرتك مسكت البلد من 9 سنين في حالة إستثنائية وحلفت اليمين في حالة إستثنائية .. وحلفت تاني في نفس الحالة الإستثنائية .. احم احم ” تاني مره ” واللي حلفت قدامه حلف برضه في حاله إستثنائية وحلف تاني وتالت ورابع وخامس في حالات كلها إستثنائية شبه بعضها
جاي دلوقتي وتقول ان الحكومة لا ترغب بالعمل في قوانين إستثنائية  .. وسعت منك شوية
وأكد في تصريح ” مفهمتوش ” ان الطوارئ لا تستعمل الا في حالة الإرهاب
هو سيادته مش عارف البلد ماشية إزاي
ياكش معتقلي 6 ابريل واللي طلع لبعضهم جوابات إعتقال كانوا إرهابيين
ياكش المحاكم العسكرية إتحاكم فيها إرهابيين

يادكتور نظيف .. غير الصحفي اللي كتبلك البيان ده