إستغربت أوي لما مجموعة من المدونين حاولوا ينظموا حملة للتضامن مع محمد عادل المدون المعتقل من شهرين
حملتهم كانت عبارة عن صور ليهم “تبدوا كالحقيقية” بمسدسات .. !
وسئلت نفسي .. ياتري المدونين دول أوام نسيوا تاريخ محمد عادل الشهير بالعميد ميت اشهر إرهابي في وسط البلد
إيه .. خلاص نسيتوا لما كان بيضربنا بمسدسات الخرز عالبورصه .. نسيتوا لما كان بيسرق الميه من عم فتحي علشان يملا بيها خزنة مسدساته وبندقياته وار بي جيهات
أوام كده نسيتوا ..؟؟
يحضرني في هذا البوست .. موقف في الفين واربعه قبل ما اعرف محمد عادل بسنتين .. وكان ساعتها محمد حلو كده .. اتناشر تلاشر سنه
ولقيته داخل علي محل ساعات بغداد اللي في شارع قصر النيل .. وهو راكب دبابه نص عمر ..تقريبا كده كان جيبها من سوق الدبابات اللي في مدينة نصر
وراح قال للبياع .. السلام عليكم ..”إرهابي إرهابي يعني “.. فين الساعه السواتش ام الفين وتمنامية .. راح الراجل إداهالوا وهو مرعوب من الدبابه
وقام ايه ..محمد راح دوَر دبابته .. وإختفي
وده بيأكد إن الحكومة لو عايزه تتلكك كانت إتلككت من زمان وحبسته .. أيام ما كان بيمشي بدبابته عكس في شوارع وسط البلد
تاريخ محمد الإرهابي مش محتاج صور عشان تثبت إنه إرهابي …
طب انا وقعت تحت إيدي الصورة دي .. لمحمد عادل وهو لسه مكملش السنه .. علشان تعرفوا كان بيرضع إيه
ها يامدونين .. عايزين ايه أكتر من كده .. سيبوا بقي اجهزة الدولة ومؤسساتها وسلاطتها وباباغنوجها تشوف شغلها..
سيبوا عبد الله كمال يشتم في المدونين .. سيبوا بتوع الداخلية يقولوا عليهم إنهم بيهدددوا السلم العام .. سيبوا قرارات إعتقال تطلع من الوزير
سيبوا رئيس الوزرا .. يقول بعلو حسه .. الطوارئ مش هتستخدم غير في الإرهاب والمخدرات
أومال إنتوا كنتوا فاكرين إيه .
ويبقي السؤال .. محمد عادل هرَب المسدس ده منين
بس بصراحه .. وعشان الكدب خيبه .. انا استحليت الموضوع وجبت مسدس ميا انا كمان ” أحمر ” ببالونة زرقة عشان الميا تتخزن فيه .. عشان أحمي بيه نفسي
ومستعد لتسليم نفسي للمطافي .. قصدي لأمن الدولة علي خلفية إعتقال محمد عادل
الإفراج عن محمد عادل .. إفراج عن الحرية !
شارك في الحملة المشبوهه
مدونة وائل عباس
الصزرو مش ظاهرة ياد
Comment by وائل عباس — February 2, 2009 @ 11:36 am
تم التغيير يازعيم
Comment by 7rnksh — February 2, 2009 @ 11:51 am
لذيييذ جداً
وحمدلله على سلامة محمد
Comment by Ahmed Al-Sabbagh — February 2, 2009 @ 12:30 pm
[...] محمود صابر – مدونة محمود صابر [...]
Pingback by Mo Eltaher’s Blog (Just another blog from Egypt) مدونة مو » Blog Archive » المرحلة الأولى من عملية العميد ميت — February 2, 2009 @ 12:43 pm
هو حتة السلاح دي مش اللي كانت زمان بتطلع شرار
?
هي دلوقتي بتطلع ميه ?
Comment by يساري مصري — February 2, 2009 @ 1:22 pm
[...] Assad, Ahmed Adel Fattah, Ahmed Maher, Egyptian Secular, Leftist Egyptian, Mina Zekry, 7mksh, Gemyhoood and Mohammed El Taher, who called themselves February 30th military wing of Al Shahid [...]
Pingback by Global Voices Online » Egypt: Bloggers for Terrorism — February 6, 2009 @ 1:07 pm
[...] Ahmed Adel Fattah, Ahmed Maher, Egyptian Secular, Leftist Egyptian, Mina Zekry, 7mksh, Gemyhoood and Mohammed El Taher, who called themselves February 30th military wing of Martyr Malik [...]
Pingback by Global Voices Advocacy » Egypt: Bloggers for Terrorism — February 8, 2009 @ 4:55 am
[...] Assad, Ahmed Adel Fattah, Ahmed Maher, Egyptian Secular, Leftist Egyptian, Mina Zekry, 7mksh, Gemyhoood and Mohammed El Taher, who called themselves February 30th military wing of Martyr Malik [...]
Pingback by Egypt: Bloggers for Terrorism | Internet Filtering Monitor — March 5, 2009 @ 11:45 am
جامد البوست .. عارفة اني جاية بعد الهنا بسنة وبعد ما المولد انفض بس عادي عجبني البوست
Comment by سمو الأميرة سارة — May 2, 2009 @ 6:31 am