اللي حوالينا واللي بيحصلنا في أغلب الأحيان مش بيكون اكثر مسخره – اكثر سخافه – من اللي بنشوفه في قاعات السينما المغلقه .. بالعكس في الاغلب بيكون إنعكاساً بشكل أو بأخر.
بص يامعلم الخبر بيقول ايه من عند مصطفي النجار :
في حملات مداهمة في مدينة البحيرة استهدفت القبض علي اكتر من 24 واحد من الإخوان يوم الأحد 17 مايو 2009 تحت إشراف ناجي الجمال .. ألقيُ المواطن فارس بركات من الدور الرابع بالعقار ..مصيباً علي أثر ذلك بأربع كسور في الفخذ والحوض والرجل اليسري والأنف !
يانهار إثود .. يانهار إثود .. ! كده اهو .. رمي مواطن من الدور الرابع .. كده يعني .. ؟
ويقولك السبب انه المواطن سأل الظابط علي إذن النيابه .. أومال لو كان سأله علي الكارنيه مثلا ولال حاجه كان عمّل فيه ايه ! كان خد تصريح من الداخلية يرميه من برج القاهره ؟
طب والمشهد نفسه جوه البيت كان عامل ازاي .. معلش انها عارف ان أسئلتي رخمه بس إستحملوني ..
يعني الظباط والعساكر اللي معاه لما شافوا بركات المواطن بيترمي من الدور الرابع ..: سقفوا مثلا وقالوا .. حلوه أوي النطه دي علي طريقة كركر ؟
لا وبيقولك ايه .. واضح ان الظابط سوابق يعني ..من كم اسبوع كانت لجنة حقوق النسناس في مجلس اللي لامؤخذه الشعب بتناقش التعذيب اللي قام بيه الظابط في مقر امن الدوله للطالب احمد عبد الفتاح .. واللي شمل كل الأدوات التقليدية .. زي الكهربا وغيره
يلا هنقول ايه .. بالمنظر ده نقول ..كويس انه مدفنهوش علشان صباعه فيه واوا ولا حاجه!
الصورة للمصاب بركات *
حريفة بلكونات
سواء هنا أو في لندن
Comment by che_wildwing — May 24, 2009 @ 3:25 am
عمتى ساكنه جنب المكان وشافت بنفسها اللى حصل شافت ان فيه واحد حاول يستخبى ويقف على التكييف رجليه فلتت ووقع يعنى ده حاجة معروف انها من كذب الأخوان ومحدش حيصدقها غيرهم وانا نفسى عارف اد ايه هما كدابين وبيفتروا على الناس بالظلم تلاقى الضابط ده شغال شوية وقاصص جناحتهم ربنا يكفيه شر خصومه
Comment by محمد أحمد الدمنهورى — June 7, 2009 @ 10:38 am