وائل عباس ..مع انك ممكن تتفق او تختلف مع افكاره لكن محدش يقدر ينكر ان من ايام 2005 كان هو وزارة الإعلام بتاعة الحركة الوطنية كلها – وبدون اي مبالغه
ومحدش يقدر ينكر ان الفيديوهات اللي كان بيصورها بنفسه او بتوصله بتعتبر من اهم الفيديوهات اللي موجوده في التاريخ السياسي المصري سواء كانت فيديوهات للتعذيب داخل أقسام الشرطه او فيديوهات للمظاهرات او اعتداءات علي المتظاهرين
من غير كاميرة وائل عباس .. كان فيه حاجات كتير ناس كتير مكانتش هتشوفها
وائل اتخانق مع جاره الظابط .. جاره الظابط ظبطله – لفقله – قضية – خد فيها حكم غيابي ست شهور .. كل ده مش غريب لأن كلنا عارفين ان الحكومة حركاتها كلها تعري* لكن بقي اللي مش عادي هو التعري* اللي جاي من “الناحية التانية” ! لكن ما علينا .. في حاجات برضه بتبقي اقل من ان الواحد يكتب عنها سطر !
التضامن مع وائل عباس تضامن مع كل فيديو موجود علي مدونته .. التضامن مع وائل عباس .. تضامن مع الحرية !
التضامن مع وائل عباس مطلوب يوم 18 فبراير .. يوم محاكمته
واللي مش عاجبه .. يشد في حواجبه !
كلام جميل بس مين وائل عباس بقه؟؟؟؟
Comment by وطني من انصار الزعيم حسني مبارك و الشرطه و النيابه — February 14, 2010 @ 6:29 pm