يوم السبت 31 يوليو الحكم في قضية النشطاء – جمال عيد وأحمد سيف الإسلام وأحمد غربية

المحاكمة هتكون في محكمة الجلاء جنح الخليفة صباح السبت 31 يوليو – نرجو التضامن والحضور

وكانت محكمة جنح الخليفة قد قررت في جلستها السابقة يوم 17يوليو الجاري، تأجيل الجلسة للسبت القادم 31 يوليو لسماع الشهود والمرافعة وإصدار الحكم في هذه القضية وفى ذات اليوم، التي، ومن شدة غرابتها قام بالتحقيق فيها ثلاث نيابات مختلفة هي نيابة شمال القاهرة، نيابة الخليفة، نيابة استئناف القاهرة) وأبدت نيابة استئناف القاهرة – وهي النيابة الأخيرة التي باشرتها – رأيها بتحويل القضية للمحكمة بتهمة السب والقذف، واستبعدت بذلك التهم في مذكرة نيابة الخليفة

In Saturday 31st July the court going to announce its verdict in the Egyptian activists trial ‘ Gamal Eid, Ahmed Sef and Amr Gharbeya“

The trial will take a place in elgalaa’ court in the morning of Saturday 31st July, solidarity and attendance is appreciated.

In its previous session dated 17^th of July 2010 the court had postponed the case to the 31^st of July 2010 to hear the witnesses and the defense as well as make its decision on the same day.  It is to be noted that, contrary to the usual, this case has been processed by three different prosecutions: The north Cairo prosecution, the Khalifeh prosecution and the Cairo appeal prosecution.

.. اكيد قيادات الداخلية امبارح كانوا سهرانين لغاية الصبح قدام الخريطه .. وكل واحد بيتفنن انه يطلع فكرة مفتكسه يضحك بيها علي الشباب !

يطلع واحد بكرش ويقلك .. ياباشا المشكله في ميدان التحرير ..هي المترو .. القياده ترد عليه ويقوله .. ان كان عالمترو .. اقفله امه ..

طب ياباشا .. بالنسبة للناس اللي ممكن ييجوا من ميدان طلعت حرب من نحية جروبي

القياده ترد عليه .. يبقوا يقابلوني لو خرجوا م العمارة !

التاني بقي الأقرع اللي منزل القصه ومداري بيها قرعته يقول – واكنه جاب التايهه –  .. طب واللي هييجي من شارع القصر العيني .. هنتصرف معاه ازاي؟ !

القياده ترد عليه – بإستزكاء  .. جيبلي اشطر ظابط في التشكيلات اللي كان الاول علي دفعته وخليه يعملنا تشكيل ميخرش الميا !

الواد ييجي .. “وللأسف تقريبا في الليلة اللي قبليها مراته قالتله تصبح علي خير يابركه واديته ضهرها !” المهم بدون الدخول في تفاصيل .. الواد راح عصر دماغه وقال ..ياباشا احنا  نجيب خمستاشر عشرين عربية امن مركزي .. ونخبيهم في الشوارع الجانبية زي حسين حجازي واللي موازي ليه .. ونجيب قد عشرين فرقة كراتيه – كلهم احمد زكي في فيلم البرئ – ونطلعلهم وقت الزنقه !

وابقي قابلني معاليك لو حد منهم عرف يعمل حاجه !

القياده ترد عليه وتقوله : يا ابن الناصحه

-

جتكوا ستين وكسه .. هو ده اللي اتعلمتوه ؟؟ قعدوا تدرسوا اربع سنين في كلية الشرطه علشان تعملوا تشكيلات تقبضوا بيها علي الناس بالمنظر ده ؟ حتي لو عايزين تفرقوا المظاهره في سبع تلاف طريقه تانية .. لو بس دماغكوا شغاله .. خدوا دي بقي

يعني كان ايه اللي هيحصل ياعالم يامعفنه لو كنتوا سبتوا المظاهره تحصل ؟ ها ؟ ولا لازم تبينوا انكوال بلطجيه وادها وادود ؟

جتكوا القرف .. جتكوا القرف

-

انا فعلا مش قادر اكتب حاجه عن اللي شفتها .. ساعات كتير مش  بعرف احكي حاجه حصلت .. نهايته .. روحوا اقروا هناك هتلاقوا تفاصيل اكتر واهم

http://egyprotest-defense.blogspot.com/

<a href=”http://elbaradei2011.com”><img title=”Blogging for elbardy” src=”http://farm5.static.flickr.com/4018/4489330936_f4a236c24f_o.jpg” alt=”" width=”200″ height=”283″ /></a></p>

إمبارح باليل التليفون رن اكتر من مره ويقوفل من النمرة رقم – 0109753835 – وانا في الغالب لما بلاقي حد كده بكبر دماغي يعني بس هو كان عمال يرن ويقفل كتير بشكل مستفز

اتصلت بيه مرتين كان بيكنسل .. قولت ياواد انت هتعمل عقلك بعقل  حد – اي كان – تالفه زي د .. يلا اهي ليله وتعدي !

المهم النهارده الصبح لما صحيت فتحت الموبايل – غالبا بقفل الموبايل وانا نايم – لقيت نفس النمرة بترن تاني برضه ! .. اتصلت بيه بعد ما رن تقريبا خمس مرات !

قولتله ايون مين ؟

قاللي : إزيك

قولتله : الحمد لله ، مين معايا ؟

قاللي : انا احمد.

قولتله : أحمد مين ؟

قاللي : احمد رفعت

قولتله : طيب ، سايدتك عايز مين ؟

قاللي : انا اصلي اتصلت بالنمرة دي غلط إمبارح وعجبتني الكول تون فبتصل اسمعها !

قولتله : والله ؟

قاللي : اه !

قولتله : براحتك خالص .. اتصل واسمع الكول تون في اي وقت !

قاللي : بجد !

قولتله : وانا بتريق – اه وماله !

وقفلت .. وراح رن لغاية دلوقتي اربع مرات في عشرني دقيقة ؟ .. اعمل ايه طيب .. اغير الكول تون .. طب ولو غيرتها وعجبته برضه .. اعمل ايه !

الرحمة !

بكرة الساعه 12 الضهر هيكون ميلاد مجلة وصلة .. واللي هتنقل كتابات المدونين الإنترنتية لكتابتا ورقية مطبوعه !

متتأخروش بقي .. والمكان في مقر الشبكة العربية الجديد : 10شارع علوي ، خلف البنك المركزي ، شقة 5، القاهرة ، وسط المدينة.

وأنا إعتقادي الشخصي ان المؤتمر الصحفي ده هيكون فرصة كويسة علشان نسئل القائمين علي – الوصلة – إذا كان الإسم ليه علاقة بوصلة النت بتاع المدون وائل عباس اللي كان صدر ضده بخصوصها حكم بالحبس ست شهور واتلغي في الإستئناف ولا لاء ؟

ولا مثلا موضوع الوصلة ده ليه علاقة بوصلات الست أم كلثوم .. انها كانت بتغني للناس .. ومحررين الوصله ناويين يغنّوا علينا مثلاَ بلسان المدونين !

يعني المهم .. ان المؤتمر هيكون مهم علشان كل الأسئله اللي مش لاقية إجابه داهيان  !

منذ قليل تم الإفراج عن الدكتور أشرف وجدي من سراي النيابه بالمنصورة

[ 05:00 pm ]

في التاسعه مساء أمس  تم إعتقال دكتور أشرف وجدي صاحب مكتبة بوك أند بينز بالمنصورة – أهم مكان ثقافي في المنصورة وأحد أهم الأماكن الثقافية في مصر خارج العاص-

تم إقتحام المكتب من قبل الأمن وتم إعتقاله لأسباب غير معلومه !

دكتور أشرف وجدي قام مؤخرا بتأسيس مجموعة علي الفاس بوك تحت إسم ” يساريون يدعمون البرالدعي -

والمعلومات المتوفره تقول انه موجود في قسم أول المنصورة مع وجوةد دعوة أطلقها بعض الناشطين للتظاهر تضامنا مع دكتور أشرف وجدي أمام النيابه الابتدائيه شارع البحر(نيابة اول)المحكمه علي البحر ناصيه شارع المدير في المنصورة ، في الحادية عشر من صباح الاثنين

روابط ذات صله :

مجموعة الفاسبوك للتضامن مع دكتور أشرف وجدي

مدونة الغريب : أشرف

الأمن يقتحم مكتبه بوك أند بينز ويعتقل صاحبها

مجموعة الفاسبوك الذي قام بتأسيسها : يساري مؤيد للبرادعي

Summary:

nine o’clock evenin yesterday [ 28th Feb. 2010 ] the security forces stormed the headquarters of of Dr. Ashraf
Wagdy and arrested him for unknown reasons, It is worth mentioning that Dr. Ashraf  Wagdy Created a Group Named with ” socialist supporting elbarada’y ” .

Dr. Ahraf  been arrsted in his project office ” Book and Beans” which is the largest culture center outside cairo.

So far Dr.Wagdy’ place is unknown, on a related, some activists called for protest in elmansoura at 11:00 noon this morning to demand Releasing him.

Related Links ;

Dr.Ashraf Supporting group on Facebook

Alghareb’s Blogpost about Dr.Ashraf

Story about Dr.ashraf arresting [ A ]

socialist supporting elbarada’y Facebook group

فاكر ان في الفين وخمسه وايام ما كانت حركة التغيير شغاله الله ينور وخصوصا حركة كفاية .. جمعتني بجورج إسحاق قعدة وفي القعده دي جاله تليفون من إحدي السفارات الأجنبية .. وكان المندوب ده بيطلب الإجتماع بيه .. والأستاذ جورج رفض بشده !

كنت ساعتها عندي سبعتاشر سنه تقريبا .. وبلغة الشاب المراهق سألته وانا مستغرب وقولتله .. ليه ؟

رد بمنتهي البساطه وقال عشان مينفعش !

طبعاَ بطبيعه شغلي في أحدي منظمات المجتمع المدني انا أرائي واضحه دايما بخصوص الدعم طالما بيقدم لمشاريع واضحه ومحدده ومعلنه .. والإختلاف في نقطة قبول الدعم من المؤسسات الدولية لمنظمات المجتمع المدني وارد بين التوجهات الفكرية المختلفه

لكن مظنش ان نفس الإختلاف ممكن يكون وارد في حالة تلقي الحركات السياسية لدعم خارجي – اي كان – فلو خدت ” الحركات ” دعم خارجي ” في اي صورة ” مبتفضلش حركات سياسية .. لكن بتتحول تلقائيا لحركات قرعه

اضيف في 26 يناير, 2010 11:44 م , من قبل تامر
من مصر

قسما بالله انت ماتعرف حاجة
وكلامك على الفاضى وانت اصلا ملكش لزمة علشان مافيش حد بيظلم حد وبالذات فالكلية دى وانت لو راجل استنى يومين بس وحتشوف اللى يحصلك
انا عملت برنت للصفحة وحوريك الكلية دى حتعمل فيك
انا حوصله ان شاء الله للكلية

ده التعليق اللي اتكتب علي تدوينة احمد مصطفي بعد مرور سنه علي كتابتها ! وواضح ان صاحب التعليق مكدبش خبر وبعد مرور حوالي شهر .. وبالظبط يوم الخميس 25 فبراير 2010 تم إحتجاز أحمد مصطفي – 19 سنه – وتقديمة لمحاكمة عسكرية ( عاجله ) ليلحق بقطار المحاكمات العسكرية للمدنيين كمجدي أحمد حسين وأحمد دومه وخيرت الشطار و – أصحابه – علشان تحصل محاكمة جديده لشاب سنه 19 سنه .. عارفين يعني ايه شاب عنده 19 سنه يتقدم لمحاكمة عسكرية ! لمجرد انه كتب حاجه عالإنترنت !

تدوينة أحمد مصطفي لم تفشي سرا حربيا او نقلت صورا – خاطئة – عن اي مؤسسة من مؤسسات الدولة ! تدوينة أحمد مصطفي  لا تصنف علي انها خيانه او عماله او فتح ملفات حمراء ! تقديم أحمد مصطفي للمحاكمة العسكرية خيانه ـ وسكوت المثقفين والسياسيين عن هذه الخيانه خيانه أشد جرما واحط وصفاَ

متضامن مع أحمد مصطفي

روابط ذات صله :

نص القانون المعد للمحاكمة .. وهو من خرائيات زمن عبد الناصر

جروب لا للتجنيد الإجباري

غير اللي يسري فوده قالّه في مقاله .. ببساطه لو “افترضنا”  ان الدوله ليها حق فيها امتلكه من أصول للإستعمال الشخصي أمتلكها المواطنين بعد الإدخار من أموالهم – الخلصة الضرائب ” انا مش مسئول عن عدم تنظيم اللدولة وان كل اللي طالبه مننا – معالي الوزير يوسف غالي – اوي – من مهمات أجهزة الدولة المختلفة مش من مهمة المواطنين !

الناس دي لازم تعمل بلقمتها – الأملاك مسجله في الشهور العقارية المختلفة – بخلاف وجود جهاز كامل من أجهزة الدولة مهمته الأولي والأساسية والرئيسية هي التعبئة والإحصاء

لاء وبيلعبونا .. شويه يقولي اخر معاد شهر اتناشر وشوية يقولوا اخر معاد شهر تلاته وشوية مبارك يطلع ويقولك الموضوع مش نهائي .. هي سته إبتدائي ولا ايه يعني ؟ ماتستهدوا بالله كده وتتفقوا الأول !

وقال يعني بندفع ضرايب وبنشوفها في خدمات  حقيقية .. بس ما علينا !

تاني – الضرايب بتتدفع علشان الدولة واجهزتها .. وان املي تقرير فيه نمرة الموبايل وعندي كم ملك  وأوديه لوزارة الماليـ-هم-  وهما قاعدين عليها ! تبقي اسمها بجاحه !

إعملوا بلقمتكم ياعالم ياواطية !

إسترجل ومتعملش تقرير الضرايب العقارية !