يوم السبت 31 يوليو الحكم في قضية النشطاء – جمال عيد وأحمد سيف الإسلام وأحمد غربية

المحاكمة هتكون في محكمة الجلاء جنح الخليفة صباح السبت 31 يوليو – نرجو التضامن والحضور

وكانت محكمة جنح الخليفة قد قررت في جلستها السابقة يوم 17يوليو الجاري، تأجيل الجلسة للسبت القادم 31 يوليو لسماع الشهود والمرافعة وإصدار الحكم في هذه القضية وفى ذات اليوم، التي، ومن شدة غرابتها قام بالتحقيق فيها ثلاث نيابات مختلفة هي نيابة شمال القاهرة، نيابة الخليفة، نيابة استئناف القاهرة) وأبدت نيابة استئناف القاهرة – وهي النيابة الأخيرة التي باشرتها – رأيها بتحويل القضية للمحكمة بتهمة السب والقذف، واستبعدت بذلك التهم في مذكرة نيابة الخليفة

In Saturday 31st July the court going to announce its verdict in the Egyptian activists trial ‘ Gamal Eid, Ahmed Sef and Amr Gharbeya“

The trial will take a place in elgalaa’ court in the morning of Saturday 31st July, solidarity and attendance is appreciated.

In its previous session dated 17^th of July 2010 the court had postponed the case to the 31^st of July 2010 to hear the witnesses and the defense as well as make its decision on the same day.  It is to be noted that, contrary to the usual, this case has been processed by three different prosecutions: The north Cairo prosecution, the Khalifeh prosecution and the Cairo appeal prosecution.

.. اكيد قيادات الداخلية امبارح كانوا سهرانين لغاية الصبح قدام الخريطه .. وكل واحد بيتفنن انه يطلع فكرة مفتكسه يضحك بيها علي الشباب !

يطلع واحد بكرش ويقلك .. ياباشا المشكله في ميدان التحرير ..هي المترو .. القياده ترد عليه ويقوله .. ان كان عالمترو .. اقفله امه ..

طب ياباشا .. بالنسبة للناس اللي ممكن ييجوا من ميدان طلعت حرب من نحية جروبي

القياده ترد عليه .. يبقوا يقابلوني لو خرجوا م العمارة !

التاني بقي الأقرع اللي منزل القصه ومداري بيها قرعته يقول – واكنه جاب التايهه –  .. طب واللي هييجي من شارع القصر العيني .. هنتصرف معاه ازاي؟ !

القياده ترد عليه – بإستزكاء  .. جيبلي اشطر ظابط في التشكيلات اللي كان الاول علي دفعته وخليه يعملنا تشكيل ميخرش الميا !

الواد ييجي .. “وللأسف تقريبا في الليلة اللي قبليها مراته قالتله تصبح علي خير يابركه واديته ضهرها !” المهم بدون الدخول في تفاصيل .. الواد راح عصر دماغه وقال ..ياباشا احنا  نجيب خمستاشر عشرين عربية امن مركزي .. ونخبيهم في الشوارع الجانبية زي حسين حجازي واللي موازي ليه .. ونجيب قد عشرين فرقة كراتيه – كلهم احمد زكي في فيلم البرئ – ونطلعلهم وقت الزنقه !

وابقي قابلني معاليك لو حد منهم عرف يعمل حاجه !

القياده ترد عليه وتقوله : يا ابن الناصحه

-

جتكوا ستين وكسه .. هو ده اللي اتعلمتوه ؟؟ قعدوا تدرسوا اربع سنين في كلية الشرطه علشان تعملوا تشكيلات تقبضوا بيها علي الناس بالمنظر ده ؟ حتي لو عايزين تفرقوا المظاهره في سبع تلاف طريقه تانية .. لو بس دماغكوا شغاله .. خدوا دي بقي

يعني كان ايه اللي هيحصل ياعالم يامعفنه لو كنتوا سبتوا المظاهره تحصل ؟ ها ؟ ولا لازم تبينوا انكوال بلطجيه وادها وادود ؟

جتكوا القرف .. جتكوا القرف

-

انا فعلا مش قادر اكتب حاجه عن اللي شفتها .. ساعات كتير مش  بعرف احكي حاجه حصلت .. نهايته .. روحوا اقروا هناك هتلاقوا تفاصيل اكتر واهم

http://egyprotest-defense.blogspot.com/

فاكر ان في الفين وخمسه وايام ما كانت حركة التغيير شغاله الله ينور وخصوصا حركة كفاية .. جمعتني بجورج إسحاق قعدة وفي القعده دي جاله تليفون من إحدي السفارات الأجنبية .. وكان المندوب ده بيطلب الإجتماع بيه .. والأستاذ جورج رفض بشده !

كنت ساعتها عندي سبعتاشر سنه تقريبا .. وبلغة الشاب المراهق سألته وانا مستغرب وقولتله .. ليه ؟

رد بمنتهي البساطه وقال عشان مينفعش !

طبعاَ بطبيعه شغلي في أحدي منظمات المجتمع المدني انا أرائي واضحه دايما بخصوص الدعم طالما بيقدم لمشاريع واضحه ومحدده ومعلنه .. والإختلاف في نقطة قبول الدعم من المؤسسات الدولية لمنظمات المجتمع المدني وارد بين التوجهات الفكرية المختلفه

لكن مظنش ان نفس الإختلاف ممكن يكون وارد في حالة تلقي الحركات السياسية لدعم خارجي – اي كان – فلو خدت ” الحركات ” دعم خارجي ” في اي صورة ” مبتفضلش حركات سياسية .. لكن بتتحول تلقائيا لحركات قرعه

اضيف في 26 يناير, 2010 11:44 م , من قبل تامر
من مصر

قسما بالله انت ماتعرف حاجة
وكلامك على الفاضى وانت اصلا ملكش لزمة علشان مافيش حد بيظلم حد وبالذات فالكلية دى وانت لو راجل استنى يومين بس وحتشوف اللى يحصلك
انا عملت برنت للصفحة وحوريك الكلية دى حتعمل فيك
انا حوصله ان شاء الله للكلية

ده التعليق اللي اتكتب علي تدوينة احمد مصطفي بعد مرور سنه علي كتابتها ! وواضح ان صاحب التعليق مكدبش خبر وبعد مرور حوالي شهر .. وبالظبط يوم الخميس 25 فبراير 2010 تم إحتجاز أحمد مصطفي – 19 سنه – وتقديمة لمحاكمة عسكرية ( عاجله ) ليلحق بقطار المحاكمات العسكرية للمدنيين كمجدي أحمد حسين وأحمد دومه وخيرت الشطار و – أصحابه – علشان تحصل محاكمة جديده لشاب سنه 19 سنه .. عارفين يعني ايه شاب عنده 19 سنه يتقدم لمحاكمة عسكرية ! لمجرد انه كتب حاجه عالإنترنت !

تدوينة أحمد مصطفي لم تفشي سرا حربيا او نقلت صورا – خاطئة – عن اي مؤسسة من مؤسسات الدولة ! تدوينة أحمد مصطفي  لا تصنف علي انها خيانه او عماله او فتح ملفات حمراء ! تقديم أحمد مصطفي للمحاكمة العسكرية خيانه ـ وسكوت المثقفين والسياسيين عن هذه الخيانه خيانه أشد جرما واحط وصفاَ

متضامن مع أحمد مصطفي

روابط ذات صله :

نص القانون المعد للمحاكمة .. وهو من خرائيات زمن عبد الناصر

جروب لا للتجنيد الإجباري

غير اللي يسري فوده قالّه في مقاله .. ببساطه لو “افترضنا”  ان الدوله ليها حق فيها امتلكه من أصول للإستعمال الشخصي أمتلكها المواطنين بعد الإدخار من أموالهم – الخلصة الضرائب ” انا مش مسئول عن عدم تنظيم اللدولة وان كل اللي طالبه مننا – معالي الوزير يوسف غالي – اوي – من مهمات أجهزة الدولة المختلفة مش من مهمة المواطنين !

الناس دي لازم تعمل بلقمتها – الأملاك مسجله في الشهور العقارية المختلفة – بخلاف وجود جهاز كامل من أجهزة الدولة مهمته الأولي والأساسية والرئيسية هي التعبئة والإحصاء

لاء وبيلعبونا .. شويه يقولي اخر معاد شهر اتناشر وشوية يقولوا اخر معاد شهر تلاته وشوية مبارك يطلع ويقولك الموضوع مش نهائي .. هي سته إبتدائي ولا ايه يعني ؟ ماتستهدوا بالله كده وتتفقوا الأول !

وقال يعني بندفع ضرايب وبنشوفها في خدمات  حقيقية .. بس ما علينا !

تاني – الضرايب بتتدفع علشان الدولة واجهزتها .. وان املي تقرير فيه نمرة الموبايل وعندي كم ملك  وأوديه لوزارة الماليـ-هم-  وهما قاعدين عليها ! تبقي اسمها بجاحه !

إعملوا بلقمتكم ياعالم ياواطية !

إسترجل ومتعملش تقرير الضرايب العقارية !

الشهر اللي فات – ديسمبر 2009 – جه عدد كبير من الناشطين الدوليين في محاوله لفك “الحصار” عن غزة ولأن الحكومة المصرية غتت تحول الموضوع لمظاهرات في شوارع مصر اللي قدام السفارة الفرنسية واللي قدام الأمريكية – اللي تم الإعتداء عليهم – واللي قدام نقابة الصحفيين !
طبعا الناشطين واجهو في مصر معامله زي الفل من الأمن وتم ضربهم في اكتر من مره كان ابرزها قدام السفارة الأمريكية
قضية غزة قضية إنسانية والتضامن معاها تضامن مطلوب   طول ماهو تضامن مع الناس مش مع سياسات هنا او هناك  !

عايز اتكلم بقي عن كذا نقطه كنت مأجل فيهم الكلام لغاية ما اروء .. وبإعتبار اني رايق وعندي امتحان يوم الخميس فخلونا نتكلم !
أولا جالاوي .. واللي بعض الشباب سموه جزالاوي
جالاوي نائب بريطاني ممكن تطلق عليه لقب – محترف شرق اوسط – الراجل كان حالف ميت يمين انه يعدي من علي سوريا ف الرايحه او الجايه لسببا في نفسه .. غير ان كذا مصدر اكدلي وجود اسمه في كشوف كوبونات البترول  بتاعة صدام .. واللي كان بياخد منها برضه اسماء بارزة جدا في وسط المعارضه المصرية ومش هقول هما مين عشان انتوا اكيد عارفين !يعني ..  .. فهو يري فيه ما لا نري ! ولذلك سمي بمحترف شرق اوسط
جالاولي بقي في عز ما كان في غزة – طبعا داخل من مصر – قال انا لا يشرفني اني ادخل مصر تاني .. وفي طريق العوده دخل مصر وراح المطار في حماية لامن وطار عائد لبريطانيا مره تانية . وبعد ما وصل بالسلامه .. حسام زكي – المتحدث بإسم وزارة الخارجية – صحي من النوم – لانه اكيد كان نايم – وقال تصريح بيأكد فيه ان جلاوي شخصية غير مرغوب فيها داخل مصر !.. طب بعد ايه ياراجل .. ايه حركات العيال دي .. يعني هو قال مش عايز ادخل مصر وهو ف غزة .. ودخل مصر وخرج من مطار القاهره وباسبورة اتختم من الامن المصري .. وبعد ما يروح بلدهم بالسلامه … حضرتك جاي تقول شخصية غير مرغوب فيها !؟
هو ده اللي قالولنا عليه محن دبلوماسي .. مُحن دبلوماسي من وزارة الخارجية في احسن صورة – - عايز اقول الله يرحمك ياسادات !

نيجي بأه لكود بينك – او حركة نساء من أجل السلام – واللي انا عن نفسي معجب بيهم جدا لأسباب هقولها دلوقتي
حركة كود بينك عباره عن مجموعة من الستات – شبه عبله كامل في خالتي فرنسا – وتقدر تفهم ده لما تشوف الفيديو ده !
كود بينك دول بأه فيهم حاجه انا مش فاهمها .. مقابلتش المنسق بتاعهم في القاهره الا لدقايق قليله ومتكلمناش في حاجات كتير .. لكن كل اللي قابلتهم من الناشطين الأجانب كانوا بيشتموا فيهم بقوة وبيضايقوا جدا لما يتقال ان كود بينك معبرة عن المسيرة !
طبعا كان فيه كمان ناشطين مستقلين ودول يمكن اللي يتوصفوا بـ ” من رحم ربي ” في الليله اللي فاتت دي كلها ! بصرف النظر عن إنتمائهتهم اليسارية !
-
عايز ارجع تاني لموضوع الحكومة بتاعتنا وتعاملها – الغلط ف غلط – مع موضوع المسيرة ده !
أولاً إختيار توقيت بناء الجدار اللي تحت الأرض في غزة – مكانش حبكه تبدا في الجدار قبل ايام قليلة من  بداية توافد الناشطين الدوليين اللي جايين مخصوص عشان غزة – مع العلم بأنه سد الطرق امام الأنفاق الغير شرعية في حالة حركة طبيبعية للمعبر شيء مفهوش اي غبار من وجهة نظري – وموضوع فتح المعبر هقول عليه كلمتين ف الأخر
ثانيا الحكومة اختارت – بكامل وعيها- ان الأمور تفضل عايمه ومش معروف اي حاجه عن خط السير – اللي هي محدداه – ولا المدخل اللي المفروض يدخل منه الافراد والمدخل اللي تدخل منه المساعدات وادت الفرصه لجالاوي انه يمثل ويقول دول بيمنعونا ومش عايزنا ندخل واحنا هندخل من رفح – مع انه معبر افراد بس -
يعني لو كانت وزارة – لامرخذه -  الخارجية  عملت خط سير للمسيرة وقالت في بيان محترم احنا بنرحب بالمسيرة الدولية وده خط السير اللي حكومة مصر اختارته واعلنت ده كله في الإعلام – .. مش كنا خلصنا ؟ ؟ ؟
لكن إزاي وإزاي .. البعاد تفكيرهم موصلهمش لده .. وبقت الصورة للعالم كله ان الأمن المصري بيعتدي علي ناشطين دوليين قادمين لفك الحصار عن غزة ! وده للاسف حصل عشان سببين – اولا احنا في دولة ديكتاتورية لا يزال المسيطر الأول فيها هو الامن وافراده – ثانيا – الخارجية المصرية مبتعرفش تشتغل !

تالت نقطه بقي واللي لغاية دلوقتي انا مش فاهمها .. حسام زكي – المتحدث الرسمي بإسم وزارة الخارجية – وبطل الببوست ده قال في تصريح مشهور اتنشر في كل الجرايد تقريبا ان الناشطين الفرنسيين خدعونا ودخلوا بتأشيره سياحية !!!!!!
ثانية ثانية ثانية .. هو فيه تأشيرة سياحية وفيه تاشيره مظاهرات ؟ لو حد فاهم الموضوع ده والنبي ما يبخل عليا !

وبالمرة بقي .. طبعا اكيد كلكوا  شفتوا الفيديو اللي رامي رؤوف رفعه و حسام زكي قال فيه ان الإيميلات متراقبه .. طب مادام هو ياحرام مبيعرفش يتكلم كده .. ليه بيحطوا قدامه ميكات ؟

بين قوسين – فهمي هويدي مفوتش موتة الجندي المصري اللي عالحدود الا لما قال ان السبب في قته هما اللي عطلوا المسيرة ولا قال تعنت حماس ولا غباءها السياسي ولا حتي دان الرصاص المتجه للمصريين  علي الحدود .. ولكنه اكتفي بإدانة اللي عطلوا المسيرة وضربوا الناشطين الدوليين في رفح !

اخر جاجه عايز اقلها هي ..  لقيتني وبالصدفه سجلت فيديو لأحد الناشطات القوميات في المظاهره اللي قدام نقابة الصحفيين .. واللي كان تلت تربعها – او اكتر ناشطين دوليين -
وقالت ياجماعه احنا عايزين نقاطع المسيرة دي علشان مشارك فيها امريكان وصهاينه – اه والمصحف قالت كده – الفيديو يمكن الكلام مش واضح فيه اوي بس واضح الخناقه بينها وبين ناشطه فرنسية واللي وصلت للضرب بالإيد وكانت هتزيد عن كده لولا ان كمال خليل مسك المايك وهتف
ده كان الغريب .. اما الاغرب بقي ان طلع ده مش موقف – الناشطه دي – بس دا كمان موقف جماعات سياسيه كبيرة ومعرفوه اتجاه المسيرة دي
يعني ناس يتعرف عنهم دائما دعمهم للقضية الفلسطينية وكل ما يخص القضية الفلسطينية – ويقاطعوا مسيرة اسمها مسيرة فك الحصار عن غزة لمشارك امريكان وصهاينه فيها !
هو إزاي فيه كده ؟

مؤتمر المبادرة المصرية للحقوق الشخصية حوالين قضية نجع حمادي يوم الأربع – 20 يناير – بكره- الساعه عشرة الصبح في  مقر المبادرة المصرية في 8 شارع محمد علي جناح (البرجاس سابقاً)، الدور الرابع، جاردن سيتي، بجوار البنك العربي الأفريقي.

مزيد من التفاصيل عالفاسبوك إيفنت

حادث مأساوي راح ضحيته سبعه في يوم عيد الميلاد في نجع جمادي بقنا و شباب مصريين ملسمين ومسيحين رايحين يعزو أهالي الضحايا .. يتم إعتقالهم .. ليه وبأمارة ايه .. وبسبب إيه ؟

انا راضي ذمتك وذمة اي مواطن تعدي من السن الاربع سنوات .. اللي بيحصل ده ليه اي تفسير!

إحنا بنعيش في دوله قمعيه قمعية قمعيه قمعيه ..

بكره الصبح الساعه 11 فيه مؤتمر صحفي في نقابة الصحفيين بعديها فيه مجموعة محامين وناضطين هيروحوا يقدموا بلاغ للنائب العام

علي الله يعرف يعمل حاجه ..

إقروا تغطية مروة رخا في جلوبال فويسيز وتغطية رامي رؤوف في مدونته

- قرار النيابه لسه طالع من شوية .. بيقولك عرض باكر … والنبي يعني ايه القرارا ده ؟

، طب يعني هيباتوا فين .. والقرار عليهم كلهم ولا عالبنات بس ؟وكيل النيابه لقي الوقت اتاخر مثلا وعايز ينام اجلها للصبح ؟

رحمتك يارب !

دي حلقتي انا ونواره من – مع حرنكش -   .. علي الله تعجبكم

طبعا الحلقة دي تم تأجيل بثها اسبوع علي راديو بكره .. لكن الحقيقة القائمين علي راديو بكره اثبتوا بقوة انهم – حتي لو انحرفوا مره  صغيره – مع حرية الرأي والتعبير وداعمين ليها .. واثبتوا ان راديو بكره كله بيعتبر جزء مهم من جسر الوصول للحرية